Moshon di Frakshon M21 Ta Urgi Pa Bini Ku Kampaña Informativo Tokante Kambio di Klima

Komo motivashon i parti di moshon Mesa di Klima presentá resientemente pa Frakshon M21, esaki ta trese lo siguiente dilanti;

Segun e rapòrt di kwartiermaker Ed Nijpels, Kolegio Ehekutivo ke kontribuí na e metanan

klimatológiko hulandes i ta mira sosten polítiko, atministrativo i sosial na Boneiru pa

promové sostenibilidat. Nijpels a konstatá sí ku tin un nesesidat di konosementu,

ekspertisio, direkshon i kordinashon riba tereno di mitigashon i adaptashon di klima.

Segun e rapòrt di kwartiermaker Ed Nijpels, Kolegio Ehekutivo ke kontribuí na e metanan

klimatológiko hulandes i ta mira sosten polítiko, atministrativo i sosial na Boneiru pa

promové sostenibilidat. Nijpels a konstatá sí ku tin un nesesidat di konosementu,

ekspertisio, direkshon i kordinashon riba tereno di mitigashon i adaptashon di klima.

Miéntras ku pa Hulanda Europeo e Programa Delta i e Strategia Nashonal di Adaptashon

di Klima ta na vigor, nan no ta aplikabel na Hulanda Karibense.

Mientrastantu, Boneiru ta trahando riba implementashon di e plan di medio ambiente i naturalesa di Hulanda Karibense (NMBP). NMBP, e programa di desaroyo teritorial, i e plan di desaroyo teritorial ta programanan eksistente ku ta instrumental den e tarea di adaptashon di klima na Boneiru.

Adishonalmente, Kolegio Ehekutivo di Boneiru a pidi Waterschap Rijn en IJssel pa duna konseho tokante maneho di awa.

Awor ku a instalá Gezaghebber Oleana komo presidente di e Mesa di Klima na Boneiru, a urgi Kolegio Ehekutivo pa kuminsá lo mas pronto posibel ku un kampaña informativo tokante kambio di klima pa e habitantenan di nos isla.

Tambe a pidi Kolegio Ehekutivo pa hasi e fondonan di Reino disponibel pa entidat públiko Boneiru, pa realisá tantu establesimentu di e Mesa di Klima, desaroyo di e Plan di Klima, komo implementashon di e kampaña informativo.