Djaluna 15 di aprel den oranan di mèrdia minister Mark Harbers di Infrastruktura i Maneho di Awe a realisá un bishita di trabou na aeropuerto di Boneiru.
E minister a papia ku diferente empleado di Bonaire International Airport (BIA), i a risibí un rekorido di parti direktor Van der Scheer i henter e Hunta di Komisario.
Riba e plataforma pa buelonan pa islanan bisiña a para ketu na e tarea komun pa hasi tráfiko interinsular mas pagabel i sostenibel. A duna e minister un splikashon di e mapa di ruta pa sostenibilidat di BIA, ku ta inkluí entre otro instalashon di panel solar, bateria i fasilidatnan pa karga pa tráfiko terestre i aéreo. Ku ayudo di e ministerio lo por aselerá e desaroyo akí, asina Van der Scheer a indiká, kende mas aleu a enfatisá ku tráfiko interinsular ta di gran importansia pa habitantenan di Boneiru.
.png)
Comments