Arthur Sealy den su komunikado semanal ta trese lo siguiente dilanti;
Un reunion di Konseho Insular pa kuestioná maneho di Fundashon Mariadal a dura seis ora kaminda kada miembro a trese su sintimentu, idea, pensamentu, eksperensia propio i disgustu dilanti, pero nada di un punto di bista komun sostené ku argumento di Konseho Insular ku ta na interes di pueblo.
Mihó ta pa den futuro konsehalnan studia e materia kompliká ku ta salubridat i, tòg nan tin hopi sèn pa hasi esaki, trata salubridat huntu ku gerensia di Fundashon Mariadal no den Konseho Insular pa evitá ignoransia di konsehalnan públikamente.
Tres punto importante a demostrá e ignoransia di e órgano ku ta representá pueblo.
Asuntu di transporte di pashènt entre e islanan. Fundashon Mariadal no a pèrdè kaso. Mester por sikiera lesa un veredikto i pidi aklarashon serka un hurista, tin sèn pa paga tòg. Dòkter a duna di konosé ku e areglo di maneho di aviashon no ta bon reglá i a duna Konseho Insular tarea pa pone e punto, ku ta polítika, riba agènda den deliberashon ku Hulanda.
Asuntu di maneho di Fundashon Mariadal, ku no ta kai bou di Konseho Insular, ta na nivel. Konsehalnan no a ni sikiera a konsultá ku wèpsait di Fundashon Mariadal pa lesa rapòrtnan di inspekshon. Kiko e kolaboradó di frakshon ta hasi anto. Konseho Insular sí ke pa pueblo konsultá su wèpsait.
Asuntu di personal no ta kai bou di Konseho Insular. Mi preguntanan ta e siguiente; Pa kiko ke sa tokante personal i maneho si nos tur sa ku tur hende den kuido tin e obligashon di mantené sekreto meskos ku e komishon di konfiansa di Konseho Insular. Konseho Insular sí ta reuní porta será tokante personal. Tila si, Tala nò. Pakiko Konseho Insular no ta kuestioná Kolegio Ehekutivo su maneho? Unda Konseho Insular su maneho ta? Tin hopi sèn tòg pa hasi esaki. Tin sèn pa hasi trabou pero no tin hende pa yuda buska informashon promé ku kuestioná otro.
.png)
Opmerkingen