MIEMBRONAN KOLEGIO ELEKTORAL A ASUMÍ FUNSHON OFISIALMENTE

MIEMBRONAN DI KOLEGIO ELEKTORAL A ASUMÍ FUNSHON OFISIALMENTE

E siman aki miembronan di Kolegio Elektoral elegí i nombrá a asumí nan funshon

ofisialmente. Despues ku durante e seshon públiko di 23 di mart, ofisina elektoral sentral a determiná resultado di elekshon, e miembronan elekto di Kolegio Elektoral a risibí nan nombramentu.

Nan mester a indiká si nan ta aseptá e nombramentu i entregá tur dokumento nesesario na tempu, manera deklarashon di relashonnan públiko i funshonnan sekundario.

E órgano di representashon den su konstelashon bieu a hasi e verefikashon di kredensial.

Formalmente esaki a konsistí di un evaluashon di e desaroyo di elekshon i un evaluashon di atmisibilidat di esnan nombrá komo miembro di e Kolegio Elektoral di Eerste Kamer.

Despues di kompletá e verifikshon di kredensial, e miembronan a hasi huramentu òf promesa. E miembronan di Kolegio Elektoral tin komo úniko tarea pa 30 di mei benidero vota públikamente pa e elekshon di miembronan di Eerste Kamer di Staten-Generaal.

E siguiente miembronan di Kolegio Elektoral a huramentá pa por ehersé nan funshon.

- Señor J.R. Kos

- Señor D.M.D. Crestian

- Señor C.C.A. Abraham

- Señora R.M. Hellburg-Makaai

- Señora S.B. Chirino-Felida

- Señora D.E. Coffie

- Señor H.J.P.J.T. Wout

- Señora R.T. Domacassé

===========================================

BròKèS 93.5 ………… Skuch’é!