Den un entrevista despues di e partido den kual Argentina a derotá Croatia 3-0 i pasa pa final di Qatar 2022, riba pregunta di prensa, Lionel Messi a konfirmá ku e wega di djadumingu awor lo bira e último di su karera den un kampionato mundial.
E futbolista mas famoso di momentu kende aktualmente tin 35 aña di edat a bisa;
Sí, seguramente ku sí, djadumingu awor lo ta mi último partido den un Mundial.
Ya mi edat lo ta muchu haltu pa e siguiente i mi no ta kere ku lo mi por duna mas.
I tèrminá di e forma akí, ta e máksimo”,
Mas aleu Messi a bisa; Klaro ku mi ta sintimi hopi felis di por ta den final di Qatar 2022.
Tèrminá mi rekorido den mundialnan, hungando mi último partido den un final. E ta algu emoshonante i tur lokual mi a biba den e mundial aki, loke públiko a biba, i kon na Argentina nan ta disfrutando.
Finalmente Lionel Messi a deklará;
Esaki ta un logro èkstra ordinario, loke nos a bin ta hasi.
Un alegria enorme pa henter nos pais. Manera ya nos a hasi durante henter e mundial, den e wega nos ta bai duna lo máksimo i duna tur ku tin pa bai ku e kopa.
.png)
Comments