MCB ku orario ekstendé pa duna asistensia ku Mobile/Online Banking

Apresiabel klientenan di MCB Mobile/Online Banking,

Pa medio di esaki nos ta yama nos Klientenan danki pa boso konfiansa den nos Banko i pa boso pasenshi.

Mardugá di 19 di yanüari ‘23 nos a hasi un update den nos sistema di MCB Mobile/Online Banking. Lamentablemente esei no a bai manera kustumber i nos a enkontrá un problema ku a kousa ku un kantidat grandi di kliente a pèrdè akseso pa e servisionan aki sin por a drenta bèk den e sistema.

Nos a duna instrukshon ku a yuda diferente kliente establesé e servisio, pero lamentablemente esei no tabata e solushon pa tur, ya ku un kantidat grandi di kliente mester a tuma kontakto ku nos pa nos a registrá nan di nobo den e sistema. Esei por a tuma lugá sea na telefòn òf na un di nos brènchnan. Nos a adaptá nos orario di servisio pa por a sigui yuda klientenan ku a enkontrá e problema aki.

Ta nos responsabilidat pa sigui ofresé nos klientenan e servisio di MCB Online/Mobile Banking ku nan a kustumbrá kune.

Pa e motibu ei, mientras nos téknikonan ta kontinuá ku tur esfuerso pa haña e kousa di e problema ku nos a enkontrá, por fabor tuma nota ku nos ta ekstendé nos orarionan pa asistensia ku MCB Mobile/Online Banking.

Djaluna 23 di yanüari ‘23 nos Brènch na Playa i nos Hato Customer Service Center lo ta habrí te ku 4:00PM i nos Contact Center (715 5520) ta disponibel di 8:00AM pa 7:00PM. Esaki spesialmente pa asistensia ku MCB Mobile/Online Banking.

Un biaha mas, danki pa boso konfiansa den nos Banko. Nos tin komprenshon pa e konsternashon ku nos a kousa, ta duel nos imensamente i nos ta pidi nos diskulpa pa e inkumbiniensia grandi ku nos a kousa na hopi di nos klientenan.

===========================================

BròKèS 93.5 ………… Skuch’é!