Maduro & Curiel’s (Bonaire) N.V. ta anunsiá ku entrante prome di mei aki, e límite di Hipotek ku Garantia di Boneiru lo subi di $ 225.000 pa $ 305.000.
Ta posibel pa apliká pa un hipotek ku e asina yamá “Hypotheek Garantie Bonaire (HGB)” na Playa Branch òf Hato Customer Service Center.
MCB ta kontentu ku a logra hisa e límite di HGB, pa asina tin mas espasio pa personanan por sera un hipotek i kumpra/konstruí bo promé kas na Boneiru sin kapital propio i alabes limitá e rísikonan finansiero. Asina’ki mas habitante di Boneiru tin oportunidat pa kumpra nan mes kas.
E Hypotek ku Garantia di Boneiru (HGB) ta yuda den kaso ku e situashon presentá ku bo no por kumpli mas ku bo pagonan di hipotek. E ora ey e garantia (HGB) lo enkargá su mes pa kubri e debe, naturalmente si kumpli ku tur e kriterionan establesé.
HGB a keda introdusí na 2021 komo un ‘pilot’ di 5 aña.
Aña pasá a hasi un evaluashon pa mira kon ta bayendo entretantu, i a yega na konklushon ku mester ahustá e suma máksimo mirando desaroyonan den merkado. Asina a disidí pa hisa e límite te na $ 305.000.
Por bin na remarke pa un hipotek ku HGB si entre otro bo tin un kontrakt di trabou pa tempu indefiní i e montante di fiansa hipotekario ta te na un máksimo di $ 305.000.
Pa mas informashon tokante HGB i e sobrá kondishonnan pa bini na remarke pa HGB, bishitá nos wèpsait: www.hypotheekgarantiebonaire.nl
.png)
Comments