top of page
ggzsjjg.png

MBO Ku Su Bùs di Trabou Ta Bai Drenta Bario

Dia 14 di yüni último, durante un seremonia festivo, e studiantenan di e kapasitashon di

konstrukshon na MBO Bonaire a risibí un bùs pa trabou. E próksimo aña eskolar e

studiantenan akí lo drenta barionan ku e bùs akí, pa asina drecha kasnan desafortuná.



E direktora di unidat, Liset Wolf ta splika: 'MBO Bonaire ta kere ku ta importante pa

forma e studiantenan orientando riba práktika, p'esei nos ta organisá proyektonan den

kual e studiantenan por traha ku trabounan i klientenan real. E bùs pa trabou akí ta hasi

posibel ku studiantenan por drenta barionan i realisá trabounan di mantenshon urgente

serka personanan ku por hasi bon uso di esaki. Kreando un situashon kaminda tur

hende ta sali ganá. Di e manera akí, e studiantenan ta haña un oportunidat di siña

krusial i e abitantenan ta haña un mehorashon grátis di nan sirkunstansia di bida.

Ademas skol ta sòru pa e materialnan i e guia di e studiantenan. '



Durante e seremonia, den presensia di gezaghèber Nolly Oleana, diputado Nina den

Heyer i hefe RCN OCW Maritsa Silberie a destaká tur e patrosinadónan.

E bùs pa trabou a bira posibel danki na e èks presidente sr. Maxime Verhagen di Koninklijke Bouwend Nederland. A kompletá e gastunan huntu ku Rotary Bonaire i empresanan asosiá, di manera ku e kompra di e bùs por a konkretisá denter di algun luna. Verhagen ta splika kon el a yuda hasi e proyekto akí posibel:

'Durante hopi aña mi ta bini Boneiru ku hopi plaser. Ora mi a hubilá komo presidente di Koninklijke Bouwend Nederland, mi a pidi kontribushonnan komo regalo di despedida pa e kompra di un bùs di trabou pa e studiantenan di konstrukshon na MBO Bonaire, ku kual nan por bai den barionan di Boneiru ku hèrmènt i material di konstrukshon.

Di e manera akí e studiantenan por atkerí eksperensia práktiko i na e mes un momentu kontribuí na mehorá sirkunstansianan di bida ku tin biaha ta deplorabel. Di e manera akí mi por a kombiná konstrukshon i mi amor pa Boneiru. Mi ta spera ku e studiantenan di konstrukshon i teknologia lo disfrutá di e bùs pa trabou di MBO. '

1 view

Commentaires


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page