Direktiva di Fundashon Alzheimer Bonaire segun tradishon ta organisá su ‘masha danki party’ na komienso di aña pa pone su boluntarionan den spòtlait.
Djasabra 14 di yanüari último esaki tabata e kaso atrobe. E biaha aki na The Bonairian Hotel, Restaurant & Lounge. E aña aki a invitá solamente e boluntarionan ku tabata mas inbolbí den 2022 pa por a duna nan mas atenshon pa ku nan kontribushon i sosten durante 2022.
Tres boluntario ku a bria den trabou komo boluntario pa e fundashon aña pasá durante e enkuentro ameno, a risibí no un sertifikado manera den pasado sino un FAB-pin “Amigunan di FAB” introdusí e aña aki i tambe un regalo for di man di presidente Sr. Evert L. Piar .
E tresnan ku a sobresalí ta Sra. Lizaima Albertus , sra Barbara Griot i sr. Gilberto Martis.
Pa medio di e komunikado akí direktiva ta gradisí e boluntarionan ku no por tabata presente, pa nan koperashon i sosten den 2022 i ta spera ku den 2023 tambe por konta ku nan.
===========================================
BròKèS 93.5 ………… Skuch’é!
https://www.radio935bonaire.com
http://radio.garden/listen/bro-ke-s-93-5-fm-boneiru/a1YG6S77
https://www.basilachill.com/#!radio/radiobrokes
.png)
