Marshe di Demensia

Djasabra último direktiva di FAB a organisá, den koperashon ku Zorg en Welzijn Groep i ku kontribushon di Sentro Akseso Boneiru, Thuiszorg, Ouderen-specialisten Fundashon Mariadal i Benjamin Security Services N.V., un “Marshe di Demensia”, naj Delfins Beach Resort Bonaire. E marshe a dura di 14.00 te ku 18.00 uur i tabata parti di e programa di Fundashon Alzheimer Bonaire pa Luna Mundial di Alzheimer.

Tabatin diverso tènt pa e seshonnan di informashon i diferente oradó ku a duna informashon balioso tokante e tópiko demensia. Oradó tabata presidente di direktiva di FAB, Sra. Yuraima Bodak di Sentro Akseso Boneiru, Dr. Annemiek Beijleveld spesialista di grandi na Fundashon Mariadal i Sr. Benjamin Francees direktor di Benjamin Security Services N.V.

Miembronan di famia di hende ku demensia presente pero tambe otro interesado, a hasi bon uso di e okashon pa haña informashon pero tambe pa hasi pregunta prinsipalmente durante presentashon di Dr. Beijleveld tokante nan situashon na kas ku nan sernan kerí. Benjamin Security Services B.V. a presentá teknologia di mas nobo riba tereno di siguridat pa grandinan ku demensia i Sra.Yuraima Bodak a pone atenshon riba tur instansia na Boneiru ku tin di aber ku grandinan i a pone énfasis riba koperashon entré e instansianan akí .

Oganisadónan i direktiva ta wak bèk riba un marshe eksitoso i a aseptá e sugerensia pa un biaha pa aña organisá un marshe asina.

BròKèS 93.5 ………… Skuch’é!