Marka di kalidat pa dòkter Schräder

Praktika di dòkter Jan Schräder a risibí sertifikashon di kuido pa su dos lokalidatnan. Ta trata aki di sertifikashon NPA. Un ofisina di dòkter ku ta karga e sertifikashon aki ta kumpli ku tur norma Hulandes oropeo pa un dòkter di kas. Den práktika esaki ta nifiká ku e ofisina ta organisá i keda desaroyá su mes pa duna bon servisio.

Ofisina di dòkter Schräder ta e promé ofisina di dòkter den Karibe Hulandes ku tin e sertifikashon NPA. Bou di guia di mènedjer di lokashon Anna ter Braak, e tim a traha duru pa huntu yega na e sertifiskashon. E inspektor ku a bishitá e ofisina di dokter a papia di un presentashon fenomenal. E ta referí ku apesar di retonan ku Boneiru tin, e ofisina a sa di presta un kalidat na nivel haltu.

Mènedjer médiko di e organisashon di dòkternan di kas PCC, dhr Freek van der Meulen, riba 17 di yanüari a entregá dòkter Schräder i su tim e sertifikashon.

===========================================

BròKèS 93.5 ………… Skuch’é!