E lider nobo di ‘Piratenpartij – de Groenen’, Mark van Treuren, i miembro di direktiva Danny Werner, ta hasi un bishitá di introdukshon na Bonaire entre 27 di ougùstùs pa 1 di sèptèmber 2023. E representantenan di ‘Piratenpartij – de Groenen’ ta buskando aserkamentu na e komunidat boneriano i lo topa ku diferente organisashon i instansia ku ta komprometé ku e bienestar di e sosiedat boneriano. Di e manera aki, nan ta trata di kompronde mas mihó e puntonan di atenshon di mas importante ku ta afekta a e komunidat i inisiá un diálogo produktivo ku diferente habitante. Dia 30 di ougùstùs 2023, di 7 pa 9’or anochi, tur habitante interesá por topa personalmente ku e representantenan di ‘Piratenpartij – de Groenen’ durante un ‘Meet & Greet’ na Museo Terramar.
Piratenpartij ta un partido politiko aktivista funda na Hulanda na aña 2010 i ta parti di un movementu global. Gustosamente nan ke aporta ideanan inovadó i bon pensa, unda e puntonan klave ta libertat di informashon pa sosiedat, unda protekshon pa privasidat ta inkluí, e búskeda na un gobièrnu transparente i e protekshon di e derechonan humano. Pesei na aña 2022, nan a uni forsa ku partido ‘De Groenen’, paso nan ta konvensí ku nos sosiedat mester biba den harmonia ku naturalesa. Piratenpartij ta defendé e
akseso líber na konosementu, ku ta esensial pa e outodeterminashon, e libertat di ekspreshon i pa por tuma desishonnan bon supstansia. Ta preokupante kon e derechonan sivil ta bou di mas preshon na Boneiru i kon kada bès mas persona ta eksperensia problemanan ku nan seguridat sosial, su bienestar of su outodeterminashon.
Relashon ku e islanan BES:
‘Piratenpartij – de Groenen’ ta konvensí ku ta duna demasiado balor na kresementu ekonómiko. Komo resultado, algun empresa i sektor a akumulá un poder desproporshonal i ta pare ku e gobièrnu tin e tendensia pa sirbi nan interes, mientras ku e habitantenan i medio ambiente ta para na di dos lugá. Pa restablesé e ekilibrio di poder, gobièrnu mester ta mas transparente i evalúa e interesnan mas kuidadoso. Durante nan bishita nan ke haña un idea kla kiko e problemanan sosial aktual ku ta afektando e islanan
BES i nan ke ehersé mas preshon riba Den Haag pa asina introdusí kambionan mas lihé. Ounke ku nan ta bishita Boneiru so e biaha aki pa motibu di tempu, e representantenan di ‘Piratenpartij – de Groenen’ tambe ta primintí di bishita Saba i St. Eustatius den futuro.
BròKèS 93.5 ………… Skuch’é!
.png)
Comments