top of page
ggzsjjg.png

MANEHO DI TERENO: PRINSIPIO OF POLITIKERÍA MANERA SEMPER?



ASOTEKO a duna Dip. James Kroon y e aktual gobièrnu un Segundo Chèns. Si gobièrnu ta firma e Akuerdo Amikal promé ku dia 5 di febrüari p.v., ta lógiko ku ASOTEKO lo sostené UPB. Y hustamente, pasobra James Kroon tabata e úniko polítiko ku a sali dilanti pa atmití ku ASOTEKO tin rason.

A base di e atmishon ei, a akordá un Akuerdo Amikal pa terminá e kaso ku ASOTEKO a lanta kontra gobièrnu ku e fin pa drecha e Mal Maneho di Tereno na Boneiru. Si e Akuerdo Amikal entre gobièrnu y ASOTEKO ta firmá mas tardá dia 5 di febrüari 2023, ASOTEKO lo duna un konseho di voto na tur su miembronan y na tur e mas ku 1.500 hende riba Lista di Espera pa haña un tereno, pa vota pa UPB of pa Sr. James Kroon mes. James Kroon a komprondé y konfirmá ku ta trata aki di un prinsipio. Gana un kaso kontra gobièrnu semper ta difísil, pasobra Korte ta preferá pa no mete den polítika. ASOTEKO sa bon bon ku via Korte nos no tin mas ku 30% chèns pa solushoná e problema aki. Pero James Kroon mes a konfirmá ku no ta bai pa gana of pèrdè e kaso. Ta bai pa e prinsipio. Pueblo meresé un Bon Maneho di Tereno! Esei ta e prinsipio! Awor, si ta MPB ku no kier akordá e Akuerdo Amikal den BC, e opshon lógiko ta pa James Kroon bula gobièrnu, es desir djòin oposishon. Introdukshon di un Bon Maneho di Tereno tin sufisiente peso pa hasi esaki. Si James Kroon no kier hasi esei, e ta kontradesí su mes. Pasobra asina e ta prueba ku realmente e no ta kere den e prinsipio y kier sigui ku politikeria.

E Maneho di Tereno na Boneiru semper tabata un desaster for di promé ku aña 2000. Tin mas ku 1.500 hende riba Lista di Espera pa haña un tereno pa traha nan kas. Si realmente James Kroon kier drecha e maneho aki, e tin ku papia palabra kla ku MPB.

===========================================

BròKèS 93.5 ………… Skuch’é!

0 views

コメント


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page