top of page
ggzsjjg.png

Logro importante pa Asosiashon Pro Lagun.


Djawpes 9 di mart 2023, a tene un reunion entre diputado James Kroon, Selibon N.V i e habitantenan di e bario di Lagun Boneiru huntu ku nan Asosiashon (APL). Diputado a pone e presentenan na altura di un grupo di trabou nobo konsistiendo di e direktoradonan di R&O, Samenleving en Zorg i tambe Toezicht en Handhaving.


Esaki a keda formá pa Chef di Kabinet Gezaghebber después ku e resultadonan di e investigashon preliminar ku Selibon riba propio gastu a laga hasi ku partisipashon di e habitantenan. Na komienso di febrüari habitantenan a habri nan kas pa e dòkter di medio-ambiente Sr. Pieter van der Torn, apuntá pa Eco Vision, no solamente konstatá ku tur dia den siman nan ta keda eksponé na e polvo fini i mal holó di e kandela “kontrolá” ademas di intoksikashon inkontrolabel di mal holó i gas di huma, sino tambe a ordená pa para e riesgonan grandi di salud aki inmediatamente.


Selibon na su turno a bai den akshon mesora i a paga e fòrnu, akumulando e sushi peligroso aki bou di seyo awor den un konteiner.

E werkgroep tin komo meta pa wak kon ta bai kontinuá i yega na solushon real pa e problematika di Lèntfil na Lagun i trese alivio pa e habitantenan di e bario ku pa años ta bibando den kondishonan desagradabel i peligroso pa nan salud.

E Asosiashon di lagun (APL) mesora a pidi pa envolví nan tambe den e grupo di trabou aki pa asina garantisá e interésnan di e bario kual ta primeramente:

  • Mantene e fornu pagá

  • Move e fornu pa un otro area di Boneiru kaminda e lo no por kousa daño na salud di hende

  • Para e dumpmentu di sushi di kas na Lèntfil na Lagun

  • Para tur trabou di konstrukshon riba di tereno di Lèntfil na Lagun

  • Riba termino medio, move e fasilidatnan di resiklahe i otro pa e area nobo ku no por kousa daño na salud di hende

  • Aprobá i vigilá e plan i ehekushon di e trabounan di saneamentu korekto i responsabel di e area

Meta final di APL ta pa saka Lèntfil for di e bario di Lagun i hasi e area, unu limpi i bunita tresiendo kalidat di bida bèk p’e bario.


Diputado a komprondé esaki, a komuniká ku eilands secretaris Christopher Frans i a komprometé su mes na saka un besluit ku sostén di su koleganan pa APL haña bos i partisipashon den e grupo di trabou ariba menshoná.


Esaki a keda konsiderá komo un logro importante pa APL ku awor por konta ku apoyo di tur partido.

===========================================

BròKèS 93.5 ………… Skuch’é!

12 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page