Ta bin fondonan adishonal pa duna alumnonan kuminda grátis riba skolnan básiko na Hulanda Karibense. Esei minister Schouten di maneho di pobresa a anunsiá awe.
Siman pasá a bira konosí ku na Hulanda na 500 skol básiko ku hopi alumno vulnerabel lo entregá desayuno grátis. E inisiativa aki tambe ta konta pa e alumnonan di Hulanda Karibense. E siman aki tabatin kontakto intensivo ku e entidatnan públiko pa averiguá kon por regla esaki, tambe pasombra ya kaba tin bon inisiativa lokal. E gabinete ta buta 250.000 euro disponibel mesora pa por amplia inisiativanan eksistente i pa bin ku medidanan adishonal.
Minister Schouten: “Nos mester evitá ku muchanan ta bai skol ku un stoma bashí pa motibu ku gastunan di bida ta bira muchu karu pa e mayornan. Esaki no ta solamente insaludabel, pero tambe ta hopi difísil pa konsentrá ku un stoma bashí. Pa e motibu ei e gabinete ta buta fondonan disponibel mesora pa kuminda adishonal pa e skolnan básiko di Hulanda Karibense.”
E entidatnan públiko ta guia distribushon di e kuminda pa skolnan. Esaki ta konektá bon na e ròl ku e entidatnan públiko tin kaba. Di e forma aki e interpretashon konkreto ta keda determiná lokalmente. E kuminda èkstra grátis ta keda distribuí den un periodo di 4 luna. Banda di esei ministerio di OCW denter di poko ta kuminsá ku ehekushon di un plan pa lùnch na skolnan na Hulanda i Hulanda Karibense.
==================================== BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-boneiru
.png)
