- Feb 2, 2023
- 1 min read

Ku orguyo i satisfakshon gezaghèber Rijna ta wak bèk riba e bishita real

Wikènt pasá Rei Willem-Alexander, Reina Máxima i Prensès Amalia a bishitá Boneiru. Na diferente sitio na nos isla nan a sigui un programa variá, kaminda tabatin atenshon pa pasado di sklabitut i nan a sera konosí ku nos kultura, deporte i naturalesa. Pero tambe nan a papia ku habitantenan di bario i representantenan di diferente organisashon. Gezaghèber Edison Rijna: “Yen di orguyo mi ta wak bèk riba un bishita eksitoso. Mi ta gradisí tur hende ku tabata presente i ku a hasi esfuerso pa hasi e dia akí i nan estadia un éksito.”