Di 5 te ku 18 di yuni 2023, Konseho Insular ta riba bishita di trabou na Hulanda.
E biahe ta konsistí di tres parti: un bishita na e arkipelago outónomo di Åland, kaminda un delegashon di konsehalnan ta hiba vários kombersashon ku, entre otro, Gobernador, Konseho di Minister, i miembronan di parlamento pa haña sa mas di e posishon konstitushonal i struktura estatal ku Åland tin komo parti di estado di Finlandia, i tambe su relashon ekstraordinario ku Union Europeo.
Despues, Konseho Insular lo asisti na e kongreso anual di Asosashon di Munisipionan Hulandes (VNG), ku lo tuma lugá na Groningen.
Na Den Haag, Konseho Insular lo tin reunionnan ku vários mandatario i ministerio, tambe ku Komishon Fiho pa Asuntunan di Reino di Tweede Kamer, i ku Raad van State.
Tópikonan di interes spesial lo ta entre otro e asuntu di pobresa, mínimo sosial, e
preokupashon pa sierto kambio den leinan orgániko pa e tres Entidatnan Públiko Karibense (WOLBES i FINBES) ku Gabinete ke proponé na parlamento, salubridat publiko, i medidanan pa defendé Boneiru kontra e kambio di klima.
********************************
BròKèS 93.5 ………… Skuch’é!
.png)
