top of page
ggzsjjg.png

Konseho Insular Di Boneiru A Finalisá Bishitá Di Trabou Na Hulanda

Konseho Insular di Boneiru a finalisá segundo siman di nan bishitá di trabou na Hulanda Europeo. Durante e siman aki tabatin vários enkuentro balioso ku otro representante di komunidatnan i islanan Hulandes. Tabatin tambe diferente reunion di importansia ku diferente mandatario di Hulanda.

 


E siman a kuminsá djaluna 24 di yüni ku e kumbre BES, kaminda representante di Boneiru, Saba i Sint Eustatius a bin huntu pa diskutí asuntunan komun i buska solushon pa retonan ku e islanan tin. Tambe pa formulá un opinion i proseso pa loke ta trata e plan di impuesto ku ta aktualmente riba mesa.

 

Djamars 25 di yüni, Konseho Insular a tuma parti na e Kongreso VNG. E evento anual aki a ofresé un plataforma pa diskushon tokante renovashon gubernamental, sustenibilidat i desaroyo lokal.plataforma pa diskushon tokante renovashon gubernamental, sustenibilidat i desaroyo lokal.

Pa e miembronan di Konseho Insular di Boneiru, e tabata un oportunidat pa partisipá, eksperensia i risibí konosementu di otro komunidatnan Hulandes i amplia e netwerk pa por sigui interkambia di ideanan den futuro.

"E siman di nos bishita di trabou tabata di gran importansia pa fortalese relashonnan den reino i sigui dialoga riba asuntunan di interes general pa Boneiru," segun Benito Dirksz, miembro di e Konseho Insular di Boneiru. "Nos ta spera pa implementá e konosementu i eksperensianan ku nos a gana pa mehorá e desaroyo i bienestar di nos komunidat."

 

Tambe a bishitá Ameland di djárason pa djabièrnè. Aki Konseho Insular huntu ku Kolegio Khekutivo i tambe representante di e otro islanan BES a topa ku diferente mandatario enkarga ku e “waddeneilanden”. Esaki a duna un oportunidat úniko pa diskushon tokante retonan i koperashon den e ámbito di gobernashon i desaroyo. Tambe a interkambiá riba diferente tópiko ku profeshonal i mandatarionan enkargá ku diferente área di maneho na Ameland.

Konseho Insular tabatin un bishita di trabou produktivo na Ameland, kaminda nan a risibí konosementu riba diferente área di maneho i fortalese kooperashon.

"E bishita aki a duna nos un konosementu profundo tokante e reto komun i oportunidat ku nos ta kompartí ku otro islanan" segun Rolanda Hellburg-Makaai, miembro di Konseho Insular di Boneiru. "E diskushonnan ku nos a tene i e koperashon ku nos a fortalesé lo yuda nos pa sirbi nos komunidat mihó." Konseho Insular di Boneiru ta kontinuá su esfuerso pa promové koperashon i e interkambio di konosementu i eksperensia pa mehorá e kalidat di bida di e habitantenan di Boneiru.

3 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page