Djamars 13 di desèmber 2022, veterano salsero puertorikeño Lalo Rodríguez a fayesé na edat di 64 aña. A haña Rodríguez morto den un kaya di Corolina, na Puerto Rico.
Di akuerdo outoridatnan polisial, nan a risibí informashon ku tin un persona na suela riba un kaya públiko, ku no tabata duna señal di bida i akudí e sitio pa asistensia. Na e sitio mes famianan a rekosé e kurpa sin bida komo esun di Lalo Rodríguez. Anke no tabatin ningun señal di violensia, tòg lo realisá outopsia di lei riba e kurpa di e fayesido. Di otro banda tin tin tambe vershonnan ta sirkulá, ku e kantante lo a muri debí na un sobredosis di un òf otro supstansia.
Lalo, kende su nòmber ofisial ta Ubaldo Rodríguez Santos a nase na Corolina, Puerto Rico dia 16 di Mei 1958. Na 1973 momentu ku e tabatin 15 aña di edat, Lalo tabata e bokalista prinsipal riba e album ‘Sun of Latin Music’ di e agrupashon di Eddie Palmieri, e produkshon di salsa ku a gana un premio Grammy. Mas despues na 1976 tambe Lalo Rodríguez huntu Tommy Olivencia y Simón Pérez a forma parti di otro produkshon ku a gana vários premio inkluso Grammy.
Na 1980 Lalo a inisiá su karera komo solista. Tabata na 1987 ku el a lansa e longplay titulá Ven, Devórame Otra Vez, kual ta título tambe di e hit inmortal di Lalo i sigur entre esnan mas konosí den mundu di salsa, sigur pa lokual ta trata salsa romántiko/ sensual. Ven, Devórame Otra Vez ta un komposishon di Palmer Hernández. Lalo mes ta tambe outor di letra.
Komo solista, desde el 1980 te ku 1996, Lalo Rodríguez a publiká un total di nuebe album, inkuí unu premiá na 1994 kual ta e CD ‘Nací Para Cantar’. ‘Con Todo Mi Corazón’.
Lalo durante su bida a konosé tambe basta problema personal. Entre otro na aña 2011 a detené pa akusá di violensia doméstiko. Poko tempu despues di rekobrá libertat, a bolbe arestá Rodríguez, e biaha aki pa violashon di prohibishon pa keda alehá di su eks esposa i tambe a posishon di droga. Ta konosí tambe ku e pupular kantante puertorikeño Lalo Rodríguez tabata tin problema di adikshon na tantu alkohòl komo droga.
===========================================
.png)
留言