Komunikashon i informashon di parti Konseho Insular i Kolegio Ehekutivo, pa usa palabra di diputado Abraham, ta desastroso. Loke ta tuma lugá, apesar ku tantu Konseho Insular komo Entidat Públiko Bonaire tin nan mes servisio di komunikashon, ta frakshon di M21 i diputadonan ta duna informashon ku ta un direkshon yená ku polítika partidista.

Riba nan facebook ta partisipashon tin ku no ta yega serka tur hende. E medionan mas adekuá pa komuniká ku pueblo ta korant, radio i televishon.
Partidonan polítiko tambe ta keda ketu unda tin puntonan manera: kambio di klima, bienestar popular, bibienda popular, konsekuensia ekonómiko tokante efekto di mínimo sosial i posibel migrashon for di Kòrsou, kuido médiko den su totalidat, produkshon di propio kuminda, tokante agrikultura, krio di bestia i peska, asuntu di gezaghèber nobo i griffiernan, representante di Bonaire na Hulanda, votashon pa Parlamentu Europeo.
Bosero di UPB a konsehá pa vota pa Kleinmoedig riba lista GroenLinks PVDA pa Parlamentu Europeo.
Diputado Den Heyer su ambishon i aspirashon ta pa bira gezaghèber meskos ku Plasterk su ambishon i aspirashon pa bira formadó i minister presidènt.
E pregunta ta, diputado tin sosten di henter konseho Insular i mayoria di pueblo?
Si no ta e kaso diputado lo aktua meskos ku Plasterk?
Pa Parlamentu Europeo mi ta vota Paul Blokhuis di Christen Unie i pa representante di Bonaire na Hulanda mi kandidato ta Benito Dirksz.
Comments