KOMPRA STRATÉGIKO DI PLANTASHI FÒNTEIN: YABI PA UN FUTURO SOSTENIBEL PA BONEIRU

SEGUN DIPUTADO HENNYSON THIELMAN KOMPRA DI PLANTASHI DI FÒNTEIN

TA UN LOGRO IMPORTANTE PA BONEIRU,

DEN DIREKSHON DI UN FUTURO MAS SOSTENIBEL I MAS BÈRDÈ.’

Gòbièrnu di Boneiru a kumpra Plantashi Fòntein, un kunuku grandi i stratégiko di 302.700 hèktar ku awendia ta dividí den 3 kavel. E kompra akí ta habri porta pa konservashon di naturalesa i proyektonan sostenibel na Boneiru.

Un tempu Plantashi Fòntein tabata un área agríkola yen di bida. Awor akí Gòbièrnu di Boneiru a kumpra e tereno pa $ 3,4 mion, ku un aporte di $ 2,4 mion di ministerio di

Agrikultura, Naturalesa i Kalidat di Kuminda. Aunke e tereno a pèrdè su gloria agríkola di ántes, e ta keda un bunita sitio. E edifisionan bieu i e naturalesa bírgen ta brinda un oportunidat úniko pa agrikultura i rekreashon sostenibel.

Kompra di Plantashi Fòntein ta resultado i negosiashonnan i kolaborashon profundo entre

diferente interesado na Boneiru. E esfuerso konhunto akí no solamente a kondusí na kompra eksitoso di e tereno, pero tambe e ta hiba Boneiru un paso mas serka realisashon

di su ophetivonan ambisioso pa medio ambiente.

Diputado Hennyson Thielman a ekspresá su orguyo bisando:

‘Awe, despues di hopi esfuerso i negosashon, nos por ta orguyoso ku nos por entregá e tesoro natural akí na Boneiru. ‘E diputado a pone énfasis riba importansia di e kompra akí pa futuro di Boneiru. ‘Atkisishon di Plantashi Fòntein ta marka un logro importante pa Boneiru, den direkshon di un futuro mas sostenibel i mas bèrdè.’

BròKèS 93.5 ………… Skuch’é!