top of page
ggzsjjg.png

KOMIENSO EKSITOSO DI YOUTH ENTERPRISE PROGRAM (YEP) NA DEN HAAG

Despues di un inisio eksitoso na Boneiru den luna di febrüari Youth Enterprise Program – YEP (un programa di empresariado pa hóben) na fin di luna di sèptèmber a ranka sali na Den Haag tambe. YEP ta un proyekto di Fundashon WeConnect, huntu ku Entidat Públiko Boneiru. Kuater hóben for di área karibense a bini ku e idea akí: un di Aruba i tres di Boneiru.

Tayer pa stimulá empresariado

YEP ke yuda hóbennan boneriano pa bira empresario. E programa ta ofresé un wèpsait i diferente tayer, tantu na Boneiru komo na Hulanda. E enfoke ta riba informá i entusiasmá hóbennan tokante empresariado i e oportunidatnan na Boneiru. Durante e tayernan e partisipantenan ta siña tokante tópikonan importante, manera abilidat finansiero, formulá i logra meta, i kiko prosperidat i bienestar ta nifiká.


Huntu mas fuerte bou di e ponensia: ‘kolaborashon riba kompetensia’

Paul David Romo, un boneriano i kofundador di e programa, ta pone énfasis riba importansia di traha huntu. ‘Na Boneiru hopi biaha nos ta pensa den forma individual. Pero huntu nos por fortifiká otro. A bira tempu pa un aserkamentu mas konhuntamente di empresariado,’ segun Paul David Romo. Un parti importante di YEP ta edifikashon di un komunidat. E partisipantenan ta deliberá huntu tokante e puntonan fuerte i e oportunidatnan di nan isla pa studiantenan karibense na Hulanda.


Ekspertisio di Profeshonalnan Hóben Boneriano ta sumamente nesesario

Entidat Públiko Boneiru ta finansiá YEP. Diputado Jolinda Craane ta entusiasmá: ‘Awor ku Boneiru ta kresiendo rápidamente, nos tin hopi mester di nos profeshonalnan boneriano hóben. Nos ta spera ku YEP ta inspirá nan pa keda enbolbí ku nos isla i pa aportá despues di nan estudio, komo empresario òf pa medio di desempeño di funshonnan importante.’


Kiko ta sigui?

YEP ta sigui desaroyá su mes ku mas tayer na Boneiru i Hulanda. Tambe ta bai ampliá e wèpsait i e lo kontené vakatura i tep pa empresario. ‘E meta ta pa informá hóbennan tokante oportunidatnan na Boneiru. Den tayernan den futuro nos ta trata sosten komersial i finansiero pa stimulá e empresariado akí. Mas progreso ekonómiko ta e meta final, i nos hóbennan por ta un parti importante di esei’, segun Romo.

BròKèS 93.5 ………… Skuch’é!

6 views

コメント


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page