Kralendijk, 9 di febrüari 2023 – Dia 6 di febrüari Qredits i Orco Bank na Boneiru a firma un kombenio di kolaborashon pa e programa ‘BeYourOwnBoss’ pa studiante. Danki na e ‘partnership’ aki gastunan di 60 lisensia lo keda kubri den 2023 kreando e oportunidat pa hasi mas ku e fondonan disponibel pa ehekutashon di e programa na skolnan sekundario. Banda di esaki Orco Bank lo fasilitá algun tayer riba topikonan bankario. Di e manera aki Orco Bank a bira e partner prinsipal di e programa ‘BeYourOwnBoss’ na Boneiru.
Den november 2022 Qredits i Orco Bank na Boneiru a sinta na mesa pa interkambiá ideanan di kon konhuntamente e dos organisashon por kontribuí na edifikashon empresarial, prinsipalmente bou di hoben nan, na Boneiru. Na inisio di 2023 a yega na un akuerdo kual a keda formalisá djaluna último. E gastunan di lisensia ta un di e gastunan prinsipal di e programa. E lisensia ta duna e studiante ku ta partisipá akseso na un ‘E-learning’ i un app, pero esaki tambe lo risibí un buki di referensia ku mas informashon tokante di e topikonan tratá den e ‘E-learning’. Ku e ‘workshop’ nan fasilitá dor di Orco Bank lo amplia e topikonan tratá durante di e programa.
Orco Bank a skohe pa djòin Qredits pa yega na studiantenan na Boneiru pa medio di e programa edukativo ‘BeYourOwnBoss’ i asina stimulá “Entrepreneurship” awe i mayan den nos komunidat, segun señora Abigail Paula, Interim Country Manager pa Orco Bank Bonaire. Orco Bank ta komprometí na programa nan ku balor agregá pa komunidat, i asina ta stimulá edukashon i abilidatnan finansiero. Esaki segun nan pilarnan strategiko.
Orco Bank ta sigui hasi esfuerso pa brinda e mihó servisio bankario na su klientenan. Mas ainda, ta duna kontribushon na e komunidat di Boneiru ku entusiasmo!
For di 2021 ta ehekutando e programa ‘BeYourOwnBoss’ den SGB, primeramente na MBO i seguidamente na Liseo Boneriano. Dia 31 di yanüari último a kuminsa ku e segundo parti di e ‘BeYourOwnBoss’ programa na Liseo Boneriano. Kombersashon tambe a kuminsá pa ehekutashon di e programa na otro nivelnan di SGB. Kada trayekto ehekutá ta úniko riba nan mes, paso e plan di ehekutashon ta ‘tailor-made’ na e kurikulo i e meta ku e skol ke realisá dor di adoptá e programa.
E programa edukativo di ‘BeYourOwnBoss’ ta un inisiativa di Qredits i a keda desaroyá na 2020 pa kontribuí na e edukashon empresarial di studiantenan. Durante di e programa e studiantenan lo haña oportunidat pa desaroyá nan abilidatnan empresarial i duna kontenido nan nan idea empresarial pa medio di un ‘Business Model Canvas’. Temanan relevante tokante emprendementu lo keda tratá durante di e programa; por ehèmpel, definishon di propio kualidadnan empresarial, analisis di kompetidor i kon pa krea un plan finansiero. Na final di kada trayektoria e studiantenan partisipante por ‘pitch’ nan idea i lo risibí un sertifikado.
===========================================
BròKèS 93.5 ………… Skuch’é!
.png)
Comments