Kolaborashon entre e departamentunan IGO i FINEC di KPCN ta kondusí na konfiská di bien

Riba 17 di mart 2023 un entrada hudisial den kuadro d violashon di Lei di Opio BES, a tuma lugá na un kas situá den Amboina. Aki a konfiská droga, sèn kèsh i bien di balor. A traspasá e kaso pa e departamento di Incident Gerichte Opsporing (IGO) pa investigashon mas aleu.

En konekshon ku e kaso aki reshèrshi di e departamento di IGO, den kolaborashon ku e departamento di FINEC ku resientemente ta aktivo, bou di enkargo di Ministerio Públiko, a konfiská un vehíkulo riba 6 di aprel.

Kuerpo Polisial Hulanda Karibense i Ministerio Públiko BES ke enfoká ku kriminalidat no ta paga. Den kaso di sospecho ku ta gana sèn ku aktividatnan kriminal, e chèns ta eksistí ku ta kita bien di balor for di bo.

===============================

BròKèS 93.5 ………… Skuch’é!