![](https://static.wixstatic.com/media/e334c0_e3b97a09d86241908a2cd2a17418d7b7~mv2.png/v1/fill/w_980,h_654,al_c,q_90,usm_0.66_1.00_0.01,enc_auto/e334c0_e3b97a09d86241908a2cd2a17418d7b7~mv2.png)
Kiwanis Club of Kralendijk Bonaire a selebrá instalashon di su directiva nobo pa aña 2023-2024 ku un sena na Le Jardin (El Jardin del Amor). E klup ta forma parti di Kiwanis International, un organisashon global di boluntario komprometé pa hasi e mundo un miho luga, un mucha i un komunidat simultáneamente.
E anochi a kuminsá ku presidente saliente Derchlien dijkhof mirando bèk riba proyektonan realisá, manera paketenan pa beibi i K-walk. Dijkhof a yama danki na tur miembro pa nan esfuerso i e direktiva saliente pa nan trabou duro durante su presidensia. Después di esaki, sinku miembro, Zelmi Canbazoglu, Marilijne Kats, Emily kocks, paola Pourier i Mimi Dongen, a risibí un rekonosementu spesial pa nan K mazing esfuerso durante e aña kiwanistiko ku a pasa.
E miembronan di e direktiva nobo a ser instalá pa èks presidente Ricard Nicholson. E direktiva nobo ta konsisti di Presidente Mimi Dongen, Sekretario Arianne Frans-Tromp, Tesorero Marco van Zuijlichem, Direktor di Miembresia Lisete Martines, Direktor di Servisio na Komunidat Alicia Xuan-Krijgsman, Direktor di Rekaudashon di Fondo Debby Rauwers, Direktor PR Michealine Cathlin i Asesora di SLP Emily Kocks.
Vice-Gobernador Shelly-Anne Mcpherson a dirigí un palabra sentimentu na e direktiva nobo i a gradisí nan pa nan kompromiso pa yuda e muchanan di Bonaire. Seguidamente, 2 miembro nobo Nicole Dorothea i Enovita Boekhoudt a keda instalá dor di Presidente Mimi Dongen.
E anochi a sigui ku selebrashonnan di e di sinku aniversario di e klup. E promé direktiva di e klup a risibí un regalo na nòmber di tur miembronan. E promé direktiva tabata konsisti di Patricia Gerritzen-veen, Derchlien dijkhof i Ricard Nicholson. Tambe tabatin un piñata di number cinco ku a wordu kibra pa e miembronan fundador. Mas despues, e klup lo anunsiá un evento pa selebrá e lustro aki ku e komunidat di Bonaire.
Presidente Mimi Dongen a honra dos miembro di e klup, Derchlien Dijkhof i Ricard Nicholson, den su prome diskurso. E a terminá su diskurso enfatisando e importansia di partisipashon di e klup den e komunidat di Bonaire.
BròKèS 93.5 ………… Skuch’é!
コメント