Apresiabel Selibon,
Mas i mas hendenan sin eskrúpulo ta tira sushi riba kamindanan di kunuku lagando un mal bista atras pa nos hendenan mes, pero tambe pa turistanan di barku ku ta hasi tour den e area.
No mas ku ayera, pasa Kriabon bai pariba masomenos un 100 meter despues di e promé bògt, desgrasiadonan a basha sushi einan (mira pòtrèt). Riba e mesun ruta aki, i mas pariba pasa APEM bira pariba di e dam grandi bai nort, tambe a tira sushi. E kamindanan mas aden tambe tur kaminda tin sushi bentá.
Un súplika na Selibon pa alomenos kuminsá hasi e kamindanan prinsipal di kunuku limpi atrobe na un manera struktural, manera tbt pasa no muchu tempu pasá, i hasi e investigashon nesesario pa logra haña sa ken ta hasi e tipo di kosnan aki i dunanan büt, òf hibanan dilanti di mes bèrdè, i kuminsá ku un kampaña huntu ku otro stakeholders pa konsientisá pa nos tene nos isla limpi. Ta asina nos ta anda ku nos naturalesa?
Naturalmente gobièrnu di Boneiru tambe tin un ròl grandi den esaki i lo mi hasi mi esfuerso pa e kolegio nobo tin e aspekto aki haltu riba su lista di prioridat. Mientrastantu Selibon a korto plaso por aktua pa aliviá e situashon, i gobièrnu a korto plaso tambe mester por pone e medionan finansiero disponibel si Selibon mester di esaki. Manera ku kos ta bai awor aki, no por sigui.
Atentamente,
Willem Cecilia
===========================================
BròKèS 93.5 ………… Skuch’é!
.png)
Comments