top of page
ggzsjjg.png

Kandela Na Kuskus Ta Riesgo Grandi Pa Salubridat. Partido MPB Ta Puntra; Unda Kolegio Ehekutivo i Gezaghèber Ta Den E Situashon Akí?

Riba 10 di mei 2024, gai kòrá a kanta na un monton di shushi riba kuskus na Lagun.

Apesar di esfuersonan di servisionan di emergensia e desaroyo di huma a keda un problema alarmante.


E problema di e kuskus na Lagun a eskalá i bira un krísis kaminda mester a evakuá habitantenan. E huma ku e kandela ta produsí ta kontené supstansianan tóksiko i por kondusí na keho di salubridat serka siudadano den e áreanan den serkania.

Kehonan ku ta varia di problema ku respirashon i iritashon di wowo te ku doló di kabes i walmentu di stoma.


Gobièrnu mester aktua di forma rápido i desidido den e krísis aki pa yega na kontrol di e situashon i pa minimalisá e riesgonan adishonal di salubridat pa e siudadanonan di Boneiru, segun Hennyson Thielman di lider di partido MPB.


HABITANTENAN DI LAGUN; Habitantenan den serkania di e huma ta preokupá pasobra outoridatnan ta konsehá siudadanonan pa keda paden, tene bentana ku porta será i evitá kontakto ku e huma pero tin kasnan ku no ta bon isolá òf ku bentananan ku no ta sera kompletamente bon, poniendo ku asta paden den kas siudadanonan ta kore peliger i riesgo di hala e huma tóksiko akí aden.

Nos a komprondé ku a evakuá algun habitante di Lagun pero tin hopi habitante mas den e área ku ta preokupá pasobra nan no a tende nada di Gobièrnu i no sa kiko nan tin ku hasi den e situashon peligroso akí.


Nos ta kere ku Gobièrnu mester instituí un tim di krísis pa evakuá mas tantu hende

posibel den áreanan den serkania i tambe tene habitantenan informá den desaroyo di e kandela i medidanan ku ta tumando, segun Hennyson Thielman.


PREGUNTA NA KOLEGIO EHEKUTIVO;

A base di e situashon aki tin vários pregunta ta surgi serka nos por ehèmpel:

Kiko ta hasiendo na e momentonan akí pa evitá ku e kandela lo kuminsá na e otro partinan di e kuskus?

Na unda habitantenan ku keho di salubridat por mèldu pa yudansa médiko?

Tin un number di kontakto di Gobièrnu pa esnan ku ta biba den áreanan den serkania i ta kere ku nan tambe mester keda evakuá?


Frakshon di MPB ta bai hasi e preguntanan akí i mas na Gezaghèber i Kolegio Ehekutivo tokante e kandela i e riesgonan ku esaki ta trese kuné pa salubridat.


MPB ta ekstendé un súplika urgente na Entidat Públiko Bonaire (EPB) pa atendé ku e molèster akí rápidamente i pa tuma medidanan adekuá pa sigurá e salubridat i seguridat di e siudadanonan; “mihó prevení awor en bes di remediá despues”.


BròKèS 93.5 ………… Skuch’é!

6 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page