JetBlue ta Anunsiá Benta di Buelo Nobo For di New York JFK pa Boneiru

Pa selebrá su lansamentu, pa un tempu limitá JetBlue ta anunsiá benta di buelo nobo pa tarifa di $ 159 i kual ta optenibel solamente online riba JetBlue.com

Resientemente Tourism Corporation Bonaire i JetBlue a anunsiá buelo nobo for di John F. Kennedy International Airport (JFK) na New York pa Boneiru. E buelonan entre JFK i Boneiru ta kuminsá dia 5 di novèmber 2024 i nan ta tuma lugá riba djamars i djasabra.

Skema di buelo entre New York (JFK) i Boneiru

For di 5 di novèmber 2024 riba djamars i djasabra

JFK-BON number di buelo 1643	BON-JFK number di buelo 1644
7:00 or – 12:46 or	14:10 or – 18:30 or

“E kolaborashon akí ta un logro importante pa nos: nos ta añadí un relashon nobo ku JetBlue i nos ta amplia e opshonnan i e aksesibilidat pa biaheronan ku ta bini for di e parti nortost di Merka”, segun Miles Mercera, direktor di Tourism Corporation Bonaire.

“E añadishon na e repertorio di ruta karibense di JetBlue ta brinda un grupo di enfoke nobo di biahero oportunidat pa fásilmente bishitá nos isla stimá i eksplorá nos naturalesa, kultura i individualidat.”

Pa selebrá lansamentu di e buelonan nobo, durante un tempu limitá biaheronan por probechá di e tarifa spesial ‘one way’ di $ 159 pa buelo pa Boneiru, ku ta solamente online disponibel riba www.jetblue.com.

Sektor turístiko di Boneiru ta entusiasmá pa yama bon biní na biaheronan ku ta biaha pa i for di nos bunita isla Boneiru ku JetBlue.