James Kroon Ta Retirá Komo Lider Polítiko di UPB

James Kroon Ta Retirá Komo Lider Polítiko di Union Patriótiko Boneriano

Karta di Sr James Kroon na UPB.

Union Patriótiko Boneriano (UPB)

Dirigí na: Presidente di Direktiva di UPB,

Sr. Ludwig (Luti) Balentin

Sabana, Kralendijk, Bonaire C.N.

Kralendijk, 29 di aprel 2023

Tópiko: Retiro komo Lider Polítiko di Union Patriótiko Boneriano

Apresiabel sr. Balentin,

Pa medio di e karta aki mi ta entregá, entrante awe, 29 di aprel 2023, mi retiro komo Lider Polítiko di Union Patriótiko Boneriano. Gradisiendo Dios Tata Todopoderoso.

Tambe gradisiendo direktivanan di turno, lidernan di bario, fiel patriótikonan, votadónan, Miembronan di Konseho Insular di turno pa UPB, pueblo di Rincon spesífikamente i Boneiru en general pa nan konfiansa i sosten durante e periodo di mi liderazgo.

Mi lo sigui komo fiel patriótiko den filanan di partido i sigui kontribuí pa UPB por ofresé Boneiru liderazgo i direkshon polítiko efektivo na bienestar di un i tur.

Despues di un periodo di mas o ménos 12 aña largu a yega tempu pa partido drenta den un siguiente époka di liderazgo i guia polítiko.

Manera ta kustumbrá di mi, mi kier aportá grandemente na e époka nobo aki di UPB.

Ku mi retiro komo lider polítiko, nos di UPB por kuminsá traha riba formashon di un lider polítiko nobo.

Semper na servisio di komunidat i UPB,

Mi ta terminá, ku un saludo kordial,

J.P. Kroon

===========================================

BròKèS 93.5 ………… Skuch’é!