top of page
ggzsjjg.png

JAMES FINIES TA LANSA PARTIDO NOBO ‘PUEBLO PROGRESIVO UNI’


James Finies intrudusiendo su mes komo polítiko i ku su propio partido ta trese lo siguiente dilanti;

Mi a disidí di drenta e arena polítiko lokal pa e motibu prinsipal di yuda sigurá i guia pa logra tur e benefisionan di e trabounan ku nos a hasi na nivel internashonal i di Nashonnan Uní.


Bai bèk den su trayekto di lucha, James Finies ta bisa; Ora ku tur e lidernan di sektor priva i lidernan polítiko, bieu i nobo, a bisa ku e loke ku Boneiru ta aden, no ta loke nan a imaginá, anto ku no por hasi nada mas, mi a disidí di no aseptá sin mas. Mi a disidí di sigui propio kaminda i buska solushon pa derecho su mes i su yunan, anto esei lo trese tambe tur otro derecho dje boneriano.


Pa motibu ku el a sinti su mes menasá, Finies a skirbi un keho pa OHCHR, ku ta e Ofisina di Alto Komisionado di Derecho Humano, i a risibí un kontesta.

Finies ta sigui bisa; Hopi hende no sa, pero mi a sobrebibí tres intento di asesinato, mi a keda detené inhustamente, pero nada di esei, ku tabata intenshoná pa eliminá òf spantami, no a logra. A purba intimidá mi, asta husa mi famia pa stòp mi, pone mi a pèrdè trabou, mi famia, pero tur loke ku nan a purba no a logra stòp mi.

James Finies tin un trabou ‘full time’ luchando pa Boneiru komo boluntario.


Fundashon Nos Kier Boneiru Bèk (NKBB) a realisá su meta, paisnan ku ta forma Nashonnan Uní ta trahando na e momento akí riba nos kaso pa pone Boneiru riba e lista di Teritorionan Sin Propio Gobernashon di Nashonnan Uní.

Finies ta bisa; Awor mi ta kla pa tuma e siguiente paso: Komienso nobo di speransa i mihó futuro pa nos pueblo.

E momento di kambio pa bienestar di Boneiru ta kuminsá awor.


Segun Finies, e ke sigurá ku polítikonan ku a pone Boneiru den e situashon akí, ta bai konfundí i ta daña tur e trabou duru. Mi no ta drenta polítika pa nada personal, posishon, trabou o fabor, mi a tuma e paso akí pa nos yunan, pa nos nietunan. Esei ta loke mi a lucha p’e semper. P’esei mi ta tuma e paso akí.

Finalisando James Finies a enfatisá: Mi ta primintí i lo sigurá ku ami komo gobernante lo hasi solamente e trabou ku e pueblo asigná mi na dje pa e pueblo boneriano: respetá, protehá i kumpli ku derechonan di nos pueblo.

BròKèS 93.5 ………… Skuch’é!

0 views
BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page