Gobiernu di Boneiru ta trahando riba un Plan di Kultura renobá pa Boneiru, ku lo duna kontinuidat na e Plan vigente
" _Sin kosecha no tin Simadan_ !"
Pesei nos ta organisá diferente tipo di aktividat pa skucha opinion i risibí sugerensia i idea di pueblo di Boneiru.
Un di e aktividatnan ta e *enkuentronan ku habitante di bario.* Nos ta interesá pa tende e opinion di habitantenan tokante e kultura den nan bario. Nos lo hasi preguntanan manera lo siguiente:
Sra/meneer ta kontento ku e aktividat i fasilidatnan kultural den e bario?
Kiko ta bai bon i kiko no ta bai bon riba tereno di kultura den e bario?
Kuá ta e asuntonan ku mester atendé ku mas urgensia riba tereno di kultura den e bario?
Tin tradishon, konosemente, sabiduría, edifisio òf naturalesa den e bario ku mester salbaguardiá komo patrimonio kultural?
Kiko ta duna e bario su identidat kultural spesífiko? Kon por fortifiká i aksentuá esaki mas?
Pa kombersá tokante entre otro e preguntanan aki, nos lo tene un enkuentro ku habitante di bario di Nikiboko i Amboina E enkuentro ta tuma luga: - *Djasabra, 21 di Yanüari:* 3:00- 5:00 atardi. Lugá: *FORMA*
Gustosamente nos ta invitá sr/sra. pa partisipá na e aktividat aki. Por trese tambe miembro di famía i konosi. A base di boso informashon, idea i sugerensia nos por yega na un Maneho di kultura renobá pa Boneiru ku ta tene kuenta ku nesesidat kultural di bario di Nikiboko i Amboina
Danki di antemano.
Kordial saludo, Lydia Emerencia, ( enkargá di parti di Gobierno di Boneiru ku e tarea pa formulá e konsepto di e Plan Renobá di Kultura)
Richenel Ansano, antropólogo kultural, ( ku lo ta fasilitadó di e kombersashon )
===========================================
BròKèS 93.5 ………… Skuch’é!
.png)
