Investigashon di salú di mucha di 0 te 12 aña

Na Boneiru for di 2 di òktober te 20 di òktober nan ta hasi investigashon di salú di mucha di 0 te 12 aña. Departamento di Salubridat Públiko, e grupo di trabou Hóben Sa Bo Peso Adekuá (Jongeren op Gezond Gewicht – JOGG) i e instituto di investigashon Mulier Instituut ta responsabel pa e investigashon. E meta ta pa den futuro hasi uso di resultado di e investigashon pa programanan di entre otro Salubridat Públiko i Indebon pa salú i bienestar di mucha.

Den e investigashon nan ta hasi entre otro pregunta tokante e ambiente ku e mucha ta biba den, su salú i tambe tur medio ku t’ei pa e mucha. Mayornan por yena un lista di pregunta pa kada yu. Por hasi esaki online òf via un list di pregunta di papel. Den un karta ku mayornan ta haña via skol òf akohida tin un QR code i un lenk pa e lista di pregunta online.

Mayornan ku tin difikultat pa yena e lista di pregunta online, por yena un lista di pregunta di papel. Nan por buska e lista di pregunta di papel na skol òf akohida di nan yu i na Sentro Akseso i Best4Kids. Despues nan por entregá e lista di pregunta atrobe na skol òf akohida di nan yu òf na Sentro Akseso i Best4Kids.

Bo ke sa mas tokante e investigashon òf e preguntanan ku nan ta hasi? Òf bo tin mester di yudansa ku yenamentu di e lista di pregunta (online)? Yama òf app libremente ku Sharifa Sedney +599 770-7909 di departamento di Salubridat Públiko. Òf manda un email na sharifa.sedney@bonairegov.com#boneiru

BròKèS 93.5 ………… Skuch’é!