Djamars 8 di novèmber 2022 den oranan di mardugá a surgi diferente interupshon di koriente den algun bario a konsekuensia di mal tempu. WEB Bonaire su personal a mobilisá inmediatamente pa solushoná e interupshon. Pa 5:00pm tur e interupshonnan a keda a solushoná.
E interupshon di koriente a keda okashoná dor di e mal tempu i hopi áwaseru ku a afektá e ret di tenshon abou i tenshon haltu. Esaki a pone ku e sistema di protekshon na WEB a aktivá mesora i outomátikamente diferente bario a keda sin koriente pa evitá mas problema.
WEB a eksperensiá un total di 38 interupshon di tenshon abou i 9 interupshon di tenshon haltu. WEB su empleadonan a solushoná e interupshonnan den un tempu kòrtiku pa asina por a suministrá e barionan bèk ku koriente
WEB ta pidi su diskulpa pa e inkumbiniensia.
===========================================
BròKèS 93.5 ………… Skuch’é!
.png)
Comentarios