Den oranan di atardi riba 30 di Òktober, 2023, tabatin un interupshon di koriente na algun área na Boneiru. Esaki tabata debí na un skarsedat di kapasidat di produkshon na e instalashon di produkshon di koriente.
Debí na e skarsedat di kapasidat di produkshon na instalashon di produkshon, Water – en Energiebedrijf Bonaire (WEB) mester a deskonektá algun área pa 4:26 di atardi i a implementá un skema temporal di deskonekshon rotativo pa Belnem, Nikiboko i Rincon. Pa 6:30 di atardi, e koriente a ser restourá den e áreanan aki, i despues Tera Kòrá, Hato, Nort di Saliña i Kaminda Gurubu a keda deskonektá te 9:00 pm.
Aunke a tuma medidanan pa restorá stabilidat , e suministro di produkshon di koriente lo keda delikado. E demanda i kapasidat di koriente lo sigui keda monitoriá pa sigurá ku e situashon ta keda stabil.
Si ta nesesario, lo komuniká i implementá e skema di deskonekshon rotativo.
Nos ta pidi diskulpa pa e inkombeniensia ku esaki por a kousa i nos ta gradisí pa boso komprenshon.
BròKèS 93.5 ………… Skuch’é!
.png)
Comments