Informashon Polisial; Kandela na Banko, Atrako Frakasá Riba Ofisina di Number
Ayera, djaweps 30 di mart, alrededor di algu pa 8 or di mainta meldkamer sentral a risibí notifikashon tokante un kandela den un banko situá den Kaya Grandi. Polis a akudí na e sitio i a evakuá e edifisio i tambe a sera parti di Kaya Grandi mièntras brantwer a kuminsa ku trabounan pa kombatí e kandela. Algun ratu despues a paga e kandela. No tabatin herido. Ta investigando kousa di e kandela. Kaya Almirante Luis Brion ku ta situá den banda di e banko ta keda será temporalmente.
Awe, djaweps atardi alrededor di 4.45 or un intento di atrako a tuma lugá na un ofisina di number situá na Kaya Nikiboko Súit. Un hòmber kara tapa i armá ku un bate a drenta e ofisina i èksigi sen. E trahadó tabata sintá den un hòki di glas di kual e porta tabata será na lòk i e no a duna oído na petishon di e malechor. E malechor na su turno a ripará ku e lo no a logra su meta i el a sali bai. E kaso ta bou di investigashon.
===========================================
BròKèS 93.5 ………… Skuch’é!
.png)
Comments