INFORMASHON POLISIAL. DOS AKSIDENTE DI TRÁFIKO

DOS AKSIDENTE DI TRÁFIKO

Djaweps 12 di yanüari, alrededor di 17:40 sentral di polis a risibí notifikashon di un aksidente entre un outu i un bròmer riba Kaya Nikiboko Zuit.

Shofùr di e bròmer a resultá heridá i ambulans a transport’é pa hòspital tratamentu médiko. E kaso ta bou di investigashon.

Djaweps 12 di yanüari, alrededor di 7 or di anochi un outu a alkansá un peaton riba Kaya Neerlandia. Ta trata di un persona menor di edat ku a keda levemente heridá.

E peaton a risibí asistensia médiko di personal di ambulans na e sitio i a transport'e pa hòspital pa hasi un kòntròl. Investigashon ta sigui.