Riba djasabra 26 di ougùstùs instituto di deporte Indebon, huntu ku e unidat di ehèrsito Kompania den Wèst rotashon 43 (CIDW) ta organisá e di dos edishon di Kids Adventure Day (Dia di Aventura pa Mucha) na Boneiru. Tur mucha di grupo 7 i grupo 8 (10-12 aña) ta kordialmente bon biní for di 08.00 or te 12.00 or na Vèlt Elion Flores na Amboina.
Tur sorto di aktividat di deporte i wega ta sentral durante e mainta akí i nan lo ta bou di guia di militarnan di CIDW i lidernan di deporte di Indebon. Pa motibu ku ta trata di un evento di deporte, ta konsehá mayornan pa laga nan yu(nan) kome i bebe bon promé ku e aktividatnan kuminsá. Durante e evento lo tin fruta i sufisiente kos di bebe disponibel. Ainda por registrá via e formulario di inskripshon online https://bonairegov.com/kids-adventure-day-26-augustus òf pa medio di skèn e QR-code òf manda un email na indebon@bonairegov.com.
Kompania den Wèst (CIDW) rotashon 43 CIDW ta un unidat di ehérsito ku for di aña 2009 ta aportá na pas i siguridat den Karibe. A pone CIDW bou di komando serka Marina Real i kada kuater luna nan ta kambia e unidat. E rotashon aktual (e di 43) ta e A/Kompania Real, prosedente di Schaarsbergen na Hulanda i for di 22 di ougùstùs te ku 29 di ougùstùs nan ta presente na Boneiru.
BròKèS 93.5 ………… Skuch’é!
.png)
Comments