Despues di hopi aña spekulashon pa un fasilidat pa praktiká e deporte di fever, esei awor ta un realidat. Tur kos ta kla tambe pa konstrukshon pa e pista di dragrace. Djadumingu 10 di sèptèmber, ponedónan di fever, a marka historia, na apertura ofisial di e pista pa fever na altura di Onima. Riba e dia, parti mèrdia 1:30, a kuminsá ku e programa, un rueda di prensa, kaminda diputado James Kroon, diputado Hennyson Thielman, Hoofdagent di
Departamentu di Trafiko Suandy Clarenda, Fittipaldi Pietersz, komo representante di esnan ku ta atendé ku e kosnan riba e pista pa fever. Nòmber di hopi hende ku a pone atenshon i un granito na e proyekto, pa el a bira realidat, manera diputado James Kroon, Hennyson Thielman, Terrence de Jongh i Heren 2 Caribean B.V..
Desvelo bòrchi pista di dragrace Nan bai na un bòrchi grandi na entrada di Onima. Aki a hasi desvelo di e bòrchi, ku ta ilustrá e proyekto grandi, esta e pista di dragrace. Huntu ku e pista ta bini tambe, e pista pa fever na su lugá korekto.
Apertura pista pa fever Despues un grupo di hende, a reuní riba e pista. Aki a sigui ku palabranan i bendishon di pader Marc Hooijschuur, diputado James Kroon, Hennyson Thielman Hoofdagent di Departamentu di Trafiko, Terrence de Jongh i Fittipaldi Pietersz. Kada un a papia di nan tarea. Despues a tuma lugá kòrtamentu di sinta. Diputado Jolinda Craane, tambe tabata presente i e kòrtamentu di sinta a tuma lugá. Seguidamente a kontinuá ku e show, kaminda outo, motosaikel, quad, outo chikitu (remote control) i skèlter.
Un tremendo show i tur hende a keda kontentu di loke nan a mira. Un públiko grandi, e área tráfiko a pega poko i e parti di kaminda di tera, dado momentu a blòkia. Esnan ku ta atendé e parti seguridat, a yuda bon, pa aliviá e situashon. Promé biaha a organisá i dimes esnan konserní, mester tuma nota di algun rekisito pa siguiente biaha, e parti struktura rònt di e pista, bira mas mihó. Sinembargo, esaki ta duna indikashon ku e deporte aki ta hopi gustá i ta rekerí un tim amplio pa atendé. Ta bon pa menshoná, ku e deporte aki, no ta amigu di alkohòl. Pa e motibu aki, no ta bende alkohòl durante e aktividat.
E pista pa fever ta bai ta habrí, pa esnan ku ta hasi e deporte por praktiká. E ta importante, pasobra tin diferente plan pa organisá kompetensia pronto. Pues tur ku ta praktiká e deporte, trein ya kiko ku presentá, boso ta kla pe. E biaha aki tabatin un persona konosí den e mundu di fever na Boneiru for di Kòrsou. Jenny Martis, i el a duna un show, pero sigur pronto e tin su mes motosaikel aki pa e hasi kos manera ta bisa. E potrètnan ta duna un bista di tur loke a sosodé djadumingu 10 di sèptèmber 2023.
BròKèS 93.5 ………… Skuch’é!
.png)
Comments