Honor Na Bomberonan, Riba Djasabra 4 di Mei 'Dia Internashonal di Bombero'

Djasabra 4 di mei, banda di ta Dia di Konmemorashon di Defuntu, ta tambe Dia

Internashonal di Bombero (International Firefighters Day). Riba e dia aki mundialmente kuerponan di bombero ta para ketu na e tareanan ku bomberonan ta ehersé diariamente i e riesgo ku nan ta tuma pa asina kontribuí na seguridat general.

Na honor di e dia aki, algun vehíkulo di bombero lo kore den e kayanan di Boneiru,

Sint Eustatius i Saba, riba djasabra 4 di mei, entre mitar di 11 i mitar di 12 di mainta.

Durante esaki lo tene kuenta ku aktividatnan di Konmemorashon di Defuntu.

E tarea di bombero no ta fásil. Den kaso di insidente òf peliger kaminda un persona

sivil lo kore p’e, e bombero kontrali di esei lo kore bai serka dje. Ku esaki Kuerpo di Bombero Hulanda Karibense ke gradisí e bomberonan pa sirbi i protehá komunidat 24/7. Si bo mira nos héroenan, tuma un momento pa huntu ku nan selebrá e Dia di Bombero i gradisí nan pa e trabou ku nan ta hasi. Felis Dia di Bombero!