Direktiva di Fundashon Alzheimer Bonaire a organisá djasabra 11 di februari último di 8.30 or – 12.30 or un Hòfi Alzheimer na Dagopvang ”Kas Karkó” bou di guia di sra Julisa Bernadina -Martina di Crafty Teacups Curacao. E Tema tabata “ Mi Amor pa Bo ta infinito”.
15 partisipante di kende nan partner ta biba ku demensia tabata selektá pa tuma parti na e presentashon aki. Nan bunita kreashon i obranan tabata un regalo pa nan partnernan riba Valentine’s Day 14 di februari. Tabata tremendo pa a mira kon riku nos isla di Bonaire ta na asina tantu talento.
E Hòfi Alzheimer aki a resultá masha fruktífero i spesial i direktiva ta hopi orguyoso ku riba e dia ei e por a hasi 15 persona ku ta biba ku demensia /Alzheimer aki na Boneiru asina kontentu.
Komo kontinuashon di su Programa di Aña Fundashon Alzheimer Bonaire su direktiva a organisá djaweps último, 16 februari 19.00 or un anochi di informashon den Conference room di Captain Don’s Habitat. Neurosikólogo drs Rodney Stewart tabata e orador invitá ku a bini spesial for di Kòrsou i e Tema tabata “Diagnóstiko di Demensia.”
Na un manera ekselente drs Stewart a splika kon importante ta pa tempran diagnostiká demensia /Alzheimer. Direktiva di Fundashon Alzheimer Bonaire tambe tin e Tema aki komo prioridat riba su agènda i e anochi aki a keda demonstrá atrobe ku tin hopi nesesidat di informashon pa ku e tema aki. Presentenan i direktiva ta mira atras riba un anochi di informashon eksitoso i bon bishitá. Athuntu un pòrtrèt di e anochi.
===========================================
BròKèS 93.5 ………… Skuch’é!
.png)
Comments