Riba djamars 29 di novèmber gòbièrnu a organisá un enkuentro pa tur e kompanianan i fundashonnan di gòbièrnu. Durante e añanan tras di lomba a realisá hopi trabou pa duna forma mas aleu na ‘good governance’, relashoná ku un rapòrt di investigashon. Ta trata di e 10 kompanianan i e 3 fundashonnan di gobièrnu. Bou di esakinan ta kai WEB, BIA, OTB, OBNA, BHM, TELBO, TCB, BOG, BonLab i Selibon. Tin tres fundashon di gobièrnu aktivo: Stichting Openbaar Onderwijs, Fundashon Wega di Number i Beheer Kompleho Deportivo. Den su diskurso gezaghèber a ekspresá su apresio pa e kolaborashon i pa loke a logra durante e tres añanan tras di lomba relashoná ku ‘good governance’. Por ehèmpel e echo ku via un reklutashon públiko ku aviso ta reklutá miembro nobo pa Hunta di Komisario, di manera ku tur hende ta haña un oportunidat. A introdusí tambe un maneho di rekompensa nobo i tin un Kódigo di Corporate Governance nobo i aktualisá kla pa presentashon na Konseho Insular.
Gezaghèber a pone énfasis riba importansia di e kompanianan i fundashonnan di gobièrnu: ‘Hopi biaha nos ta haña asina opvio ku servisio ta kontinuá, loke hopi kompania di gobièrnu ta sòru p’é. E opviedat akí ta surgi tambe pasobra e personanan ku ta tene supervishon, gerensia i empleadonan den kolaborashon ku e akshonista ta kana e kaminda korekto. Pasobra si un kompania di gobièrnu ta pasando den momentunan difísil, e ora ei esei mesora tin konsekuensia grandi pa hendenan na Boneiru i nos ta laga oportunidatnan importante keda un banda. Pa e motibu akí ta asina importante pa tin atenshon pa nos kompanianan i fundashonnan di gobièrnu.’
Durante e enkuentro a wak bèk riba tur akshon konkreto ku a tuma lugá bou di guia di e anterior kwartiermaker Nerry Gonzalez i su susesor George Mensche ku nan konsehero Harold van de Velde. Tambe Donald de Palm, direktor di SBTNO Kòrsou, a duna un presentashon tokante e Kódigo di Corporate Governance Boneiru.
Durante e atardi akí a presentá un proposishon i a papia tokante esaki pa laga mas hende na Boneiru haña un oportunidat pa un kandidatura komo persona ku ta tene supervishon den un Hunta di Komisario. Pa e motibu akí den e promé mitar di aña 2023 Entidat Públiko Boneiru ta kuminsá ku un programa di edukashon pa habitantenan di Boneiru ku ta motivá pa den futuro bira un persona ku ta tene supervishon. Huntu ku e kompanianan i fundashonnan di gobièrnu ta duna forma na e programa. Mas informashon tokante esaki ta bini na kuminsamentu di aña 2023.
Gezaghèber a terminá su diskurso ku un bista riba futuro: ‘Na Hulanda Oropeo tin ful un diskushon andando tokante si e asina yamá ‘marktwerking’ no a bai muchu leu. Na Boneiru nos mester ta kontentu ku e servisionan mas importante ku ta bou di akshonado kompleto di gòbièrnu. Esaki ta trese sierto responsabilidat kuné sí: huntu ku otro nos tin ku sigui e reglanan di wega i nos mester tin un vishon pa futuro, di manera ku e Hunta di Komisario i e gerensia por hasi nan trabou bon. Den e tempu binidero esaki ta para sentral pa e akshonista.’
===========================================
BròKèS 93.5 ………… Skuch’é! https://www.radio935bonaire.com http://radio.garden/listen/bro-ke-s-93-5-fm-boneiru/a1YG6S77 https://www.basilachill.com/#!radio/radiobrokes http://brokes935fm.radiostream123.com https://liveonlineradio.net/radio-brokes-935-Radio
.png)
