Últimamente por tuma nota kon e formashon musikal Tutifruti, no solamente ta entret ené sino tambe ta involví turistanan na momentu di hasi presentashon, esaki entre otro na Chogogo Beach Resort.
Tambe t’asina ku ta duna splikashon tokante kontenido/ letra, orígen, outor di letra etc. promé ku interpetá respektivo kansion i pa kompletá ta involví presentenan en partikular turista sea pa baila, wapa, kanta o toka un òf otro instrumènt.
Sigur un tremendo inisiativa di Grupo Tutifruti i esaki sigur mester sirbi komo ehèmpel pa otro gruponan musikal, pa no simplemente yega basha piesa i nada mas.
E forma di presentá aki di Tutifruti sigur ta rebibá memoria di esnan ku a yega di eksperensiá e temporada di Típiko Boneriano i grupo di baile Kibrahacha na entre otro Hotel Bonaire/ Sunset Beach (mesun sitio ku aktual C
hogogo Beach Resort) den añanan 70’, 80, 90’.
Por sierto entre 'gruponan ‘krioyo', Grupo Tutifruti ta un di e pokonan ku apesar di ta duna e músika un toke mas elevá/ moderno, tòg bo ta keda sinti e sabor outéntiko di músika folkóriko kultural boneriano.
Pabien Tutifruti!
Video; Kortesia di Cliff ‘Big Papa’ Frans
BròKèS 93.5 ………… Skuch’é!
.png)
Comments