
Resientemente di parti Kolegio Ehekutivo i Sekshon Kultura Arte Literatura SKAL, direktiva di ‘FUNDASHON UNION TA HASI FORSA’ a risibí e partisipashon ofisial di ta bini na remarke pa organisá Karnaval 2023 aki na Boneiru.
Durante rueda di prensa djabièrnè 24 novèmber último, Diputado enkargá ku kultura Nina Den Heyer a hasi e anunsio ofisial na prensa i na komunidat.
UNION TA HASI FORSA ta un fundashon lantá ku e meta pa organisá eventonan kultural, artisíko i en partikular musikal. Mas aleu stimulá formashon/ edukashon musikal i artístiko en general, i kaminda ta nesesario defendé interes i derecho di músiko i artistanan boneriano en general.
Den e kaso aki karnaval i tur komponente/ evento ku ta rondon’é, sigur esaki ta kai bou di dicho kategoria i metanan, komo tal tambe nos a hasi uso di e posiblidat habrí pa a apliká pa organisá e evento.
Fundashon Union Ta Hasi Forsa tin komo direktiva diario; Presidente Djòni Leoneta, Sekretario Gilbert Jansen i Tesorero Randy Anzola, tambe tin miembronan Faysel Francisco i Dayron Coffie.
Konsiderá e komunikado aki komo djis un introdukshon di Fundashon Union Ta Hasi Forsa, i keda pendiente pa mas tardá fin di siman binidero nos ta tene un enkuentro ku prensa durante kual nos lo duna mas informashon di Fundashon Union Ta Hasi Forsa, en partikular detayenan prinsipal pa lokual ta trata Karnaval di Boneiru 2024.
Tambe lo duna detayenan di kontakto, telefòn, email, página FaceBook, etc.
Atentamente,
Direktiva di Fundashon Union Ta Hasi Forsa.
BròKèS 93.5 ………… Skuch’é!
Comments