Dentro di poko gobièrnu di Boneiru ta bai kuminsá vários trabou mantenshon i tambe rekonstrukshon di kaminda.
Trabou di mantenshon di roi i dam; Lo kontinuá ku e trabounan ku a kuminsá kuné anteriomente pa lokual ta trata mantenshon di roi. Ta trata akí di roinan for di e parti nort di Kaminda Gurubú te na Kaya Internashonal.
Mantenshon i mehorashon di sistema di pasada di awa di yobida; Durante simannan binidero ta hasi reparashon i mantenshon di algun sistema di pasada di awa di yobida, prinsipalmente di esnan a lo largo di nos kostanan. Spesífikamente ta trata akí di e siguiente sistemanan for di Kaya Prinsès Marie den direkshon di Kaya Boneiru,
A lo largo di Kaya Betico Croes,
For di ‘Subway’ i Kaya Grandi,
Kaya Internashonal na altura di Port Bonaire,
Na E.E.G. Boulevard for di Bachelor’s Beach den direkshon di Pùnt Firkant,
Na Kaya Frater Odulfinus,
Na Kaya Antonio Neuman den direkshon di Kaya Gobernador N. Debrot i Kaya Grandi den direkshon di Parke Tului.
Na Kaya Gobernador N. Debrot na altura di Habitat,
Na altura di Kaya Sirena i Kaya Amérika.
Comments