top of page
ggzsjjg.png

Gezaghèber Rijna ta wak bèk riba un Foro di Union Oropeo sumamente eksitoso


Gezaghèber Edison Rijna a partisipá na e di 19 Foro di Union Oropeo. Durante e enkuentro di 5 dia di e paisnan i teritorionan ultramar di Union Oropeo a stipulá e agènda di aktividat pa e periodo binidero.


Gezaghèber a kuminsá riba djabièrnè 18 di novèmber ku un konsulta trilateral entre Union Oropeo, Hulanda i Boneiru. Den e konsulta akí nan a papia tokante entre otro e proyektonan ku ta andando. Gezaghèber a pone énfasis riba tres fail spesífiko ku ta di importansia pa Boneiru: konsekuensia di kambio di klima, konstrukshon di un stashon na tera di Galileo ku ta den preparashon i e interes ku Boneiru tin pa establesé un punto sentral di Komishon di Union Oropeo na nos isla na benefisio di region karibense.


Riba djasabra gezaghèber huntu ku Komishon Oropeo a aktua komo presidente di un tayer tokante promoshon di invershon riba e islanan. Riba djaluna e konferensia ministerial anual di Asosashon di Paisnan i Teritorionan Ultramar (Association of Overseas Countries and Territories - OCTA) a tuma lugá. Akí gezaghèber a firma e deklarashon polítiko i e resolushonnan atministrativo. Banda di esaki nan a inougurá e presidentenan nobo di e Komishon Ehekutivo di OCTA, respektivamente Groenlandia i Kòrsou.


Riba djamars 22 di novèmber a klousurá e foro ku e konferensia di Komishon Oropeo. E aña akí e komisario pa lasonan di kolaborashon internashonal di Union Oropeo, Jutta Urpilainen, tabata presente online. Pa motibu di COVID e no por a biaha pa Nueva Caledonia. El a drenta den diálogo ku delegashon di e islanan tokante e kolaborashon entre OCTA i Union Oropeo. Den e diskurso ku gezaghèber Rijna a tene riba djamars un biaha mas el a pone énfasis riba e temanan ku ta importante pa Boneiru, entre otro e impakto di kambio di klima pa nos isla i el a gradisí Komishon Oropeo pa a konsedé e Stashon di Sensor Galileo na Boneiru. Komisario Urpilainen a kontestá ku gustosamente e ke profundisá e kolaborashon pa loke ta trata e proyekto akí.



Rijna: ‘Mi ta wak bèk riba un foro sumamente eksitoso, kaminda nos por a pone Boneiru su ambishonnan riba mapa. E promesa di komisario Urpilainen ku e lo ke profundisá e kolaborashon rònt di e proyekto di Galileo ta un paso padilanti importante pa Boneiru. Establesimentu di e stashon akí na Boneiru ta trese posibilidat di desaroyo ekonómiko duradero pa Boneiru kuné, kaminda nos por hasi bon uso di sosten di Union Oropeo.’

===========================================

BròKèS 93.5 ………… Skuch’é!

0 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page