top of page
ggzsjjg.png

GANG DI ARTE TA KREA OPORTUNIDAT PA HOBENAN DI BONEIRU BIRA DJ PROFESHONAL

Gang di Arte Bonaire ta kla pa ranka sali ku diferente kurso for di 4 di Sèptèmber te ku desèmber 2023 pa hóben nan di Boneiru pa hóben nan ku ta òf ke bira artista òf ku simplemente ke siña algu artístiko nobo. Un di e promé tayernan lo ta tayer di DJ kaminda ku tres di DJ eksperensiá lo bai duna e lèsnan. Nan lo haña un pakete kompletu pa asina despues nan mes por toka manera profeshonalnan na diferente evento. Den e trayekto di Gang di Arte mes lo bini tambe diferente oportunidat pa presentá na Boneiru, Aruba, Kòrsou i Hulanda.


Di Boneiru Jaimy Abdul tambe konosí komo DJ Orleus i Jerrysen Albertus konosí komo DJ Panter lo bai dediká 4 siman pa train e hóben nan di Gang di Arte. Di Korsou, Laennon Rumai tambe konosí komo The Spinmaster DJ Laennon lo bini Boneiru pa duna un tayer intensivo di tres dia pa yuda e hóbennan aki desaroyá ampliamente komo DJ. E tres DJnan aki kombiná ta konta ku mas ku 60 aña di eksperensia riba diferente den mundu di farandula.

DJ Panter ta konosí na Boneiru den diferente fiesta aki na Boneiru i tambe ela profila pa un temporada komo DJ na NosTV i tambe radio. DJ Panter den último tempu ta mas aktivo komo MC Jerr-Y den diferente fiestanan lokal. DJ Panter ta regresá den mundu di DJ spesialmente pa pasa su konosementu komo DJ pa e hóben nan di Gang di Arte.

DJ Orleus ta konta ku 25 aña den farándula lokal i tambe na Hulanda. Ela kuminsá su karera aki na Boneiru na 1997 na Whiskey Bar i despues ela pasa pa diskotèk E Wowo komo DJ residensia. Na Hulanda ela ta toka den festivalnan ku ta risibí mas ku 60 mil bishitante. Aktualmente na Boneiru e ta e DJ residente na varios hotel i tambe e fiestanan regular di Lemonade. DJ Orleus ya a instruí algun DJ aki na Boneiru ku ya ta profilando den fiestanan lokal i tambe na radio. Awor e ta kla pa duna un man pa krea e siguiente generashon di DJnan aki na Boneiru.

DJ Laennon ta konta ku kasi 35 aña di eksperensia komo DJ. Ela kuminsá ku su 11 aña di edat despues di a wòrdu inspirá dor di su ruman hòmber ku tabata toka den klupnan famoso na Korsou. Ela kuminsá simplemente tokando den bario i a sigui krese bou di diferente grupo manera CLB Disco, DJ Supercat i DJ Massive Sound Abuse. Tambe ela traha na Radio Jumbo 100.3 ku despues a bira Hit 100.3. E tempu ey ya e tabata toka komo DJ independiente. For di 2017 ela lanta su kompania Spinmaster Entertainment kaminda e ta konosi komo The Spinmaster - DJ Laennon. Banda di ta toka na diferente eventonan lokal i tambe pa personanan ku ta bini for di ront mundu Korsou pa kasa, ela siña su yu hòmber di 10 aña toka i awor DJ Diego ta kohiendo popularidat komo e DJ mas yong riba kaya.


Gang di Arte ta pa hóben nan di 13 pa 19 anja di edat. Hóben nan ku tin 12 of 20 aña tambe lo por registrá i lo tende un kòmbersashon ku nan pa wak si nan ta yega na remarke a pa drenta a base di e kriterianan di Gang di Arte. Hóben nan interesá pa bira di DJ tin chèns ainda pa tuma kontakto ku Gang di Arte Bonaire na number di telefòn +599 790-0155, via di Facebook ACE Bonaire òf tambe via di email acesbonaire@gmail.com.

BròKèS 93.5 ………… Skuch’é!

1 view

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page