Luna di yüni Fundashon Alzheimer Bonaire lo presentá otro proyekto pa e aña akí yamá Dementie Monitor 2024. Dementie Monitor ta un proyekto ku Alzheimer Nederland ta hasi kada dos aña na Hulanda den koperashon ku instituto di inbestigashon Nivel.
Durante e simposio di yanüari, FAB a yega na un konbenio ku Alzheimer Nederland pa realisá e proyekto akí na Boneiru tambe.
Pa promé biaha na Boneiru lo hasi un investigashon riba tereno di demensia, ehekutá huntu ku Alzheimer Nederland i ku lo resultá den un rapòrt spesial pa Boneiru.
E investigashon ta prinsipalmente pa e kuidadó di hende ku demensia pero tambe pa esnan ku tabata kuidadó e aña ku a a pasa. E ta konsistí di un lista di pregunta ku por yena tantu online komo riba papel. E ta dura 20 pa 25 minüt i ta riba website di FAB www.alzheimer-bonaire.com. Si bo ta preferá yena riba papel, yama e siguiente numbernan di telefòn: 7800120 òf 7950962.
Por yena e lista te promé di yüli i e ta tantu na hulandes komo na papiamentu.
Direktiva di FAB ta satisfecho ku e investigashon akí i ta hasi apelashon riba tur kuidadó òf eks kuidadó di hende ku ta biba ku demensia, pa partisipá na e investigashon akí.
Ku e datonan i ku e rapòrt spesial pa Boneiru, FAB ta spera di haña mas sosten i mehorashon di kuido pa demensia na Boneiru, den futuro.
.png)
Comments