Sèptèmber 2021 direktiva di Fundashon Alzheimer Bonaire a organisá un anochi di informashon i un workshop ku hopi éksito tokante e Tema: “Seksualidat i intimidat serka un persona ku demensia”. Loke nos mes ta eksperensiá … loke nos ta enkontrá i kon nos ta atendé kuné riba nos islanan.”
Djabièrnè 24 februari último tabatin un charla pa a kontinuá ku e Tema aki pa mantelzorgers i interesadonan na Captain Don’s Habitat.
Djasabra 25 a toka turno na enfermero i enfermeranan, dunadónan di kuido i médikonan di kas pa por a asistí na un workshop di e parti 2 dje Tema. Esaki a tuma lugá den e sala di Fundashon Mariadal Academy di 10.00or – 13.00or.
Dr Nienke Smit, spesialista di hende grandi i sr Remo Kock, CEO (Saba CMCC) a bini spesial for di Aruba riba invitashon di Fundashon Alzheimer Bonaire i a duna un tremendo presentashon. Partisipantenan na e workshop a risibí un sertifikado na final.
Direktiva di Fundashon Alzheimer Bonaire i tur e personanan presente na e Charla i tambe e partisipantenan na e workshop tabata hopi agradesido pa e oportunidat ku a brinda nan pa nan por a atkerí mas siñansa i nan a ekspresá e deseo pa nan por haña mas dje workshopnan aki den futuro.
Direktiva di Fundashon Alzheimer Bonaire ta mira atras riba un anochi di informashon i un workshop hopi eksitoso i ta satisfecho tambe ku nan por a kubri tur e gastunan.
===========================================
BròKèS 93.5 ………… Skuch’é!
.png)
Comments