top of page
ggzsjjg.png

FRAKSHON DI UPB NO A HAÑA PROPOSISHONNAN SUFISIENTE PREPARÁ PA ATENDÉ DEN REUNION DI FORMA OPINION


Djaluna 21 di òugùstùs 2023 Konseho Insular di Bonaire a tene un reunion públiko di toma di desishon pa atendé en total 14 punto di agènda. A yama e reuion segun prosedimentu stipulá den ordenansa. No opstante esaki na tratamentu di punto 4 kaminda lo mester a aprobá e agènda a bin un desakuerdo ku no a logra sali afó. Frakshon di UPB a duna sugerensha pa baha puntonan 8, 9, 11, 12 i 13 for di riba agènda i manda e tópikonan pa e diferente komishonnan pa individualmente deliberá mas profundo riba nan i buska asitensha profeshonal promé ku bini bèk den un reunion di toma di desishon.


Oposishon no por a kompartí e mesun opinion i a trese diferente argumento pa splika nan punto di bista. Despues di debatí riba aprobashon di agènda a sigui i votashon riba dos proposishon pa e aprobashon di agènda. Deliberando riba e di tres proposishon – un proposishon di oposishon a yega asina leu ku frakshonnan di UPB i MPB a konkluí ku no tabatin balor agregá na e rumbo ku e reunion a kohe i a disidí na bandoná sala di reunion. E komunikado aki su meta ta pa duna informashon di parti di frakshon UPB pa pueblo por saka su mes konklushon riba loke a pasa.


Konseho Insular tin algun órgano pa fasilitá trabounan di Konseho Insular. Un di nan ta presidio. Lidernan di frakshon a reuní den presidio i a prepará tópikonan pa atendé durante di e reunion públiko di manera ku ta fasilitá e proseso pa hasi deliberashon i toma di desishon. Un otro órgano ta komishon pa prosedimentu. Den e komishon aki tabatin trabounan balioso a tuma lugá kaminda e lidernan di frakshon i grefir a prepará e diferente proposishonnan pa desishon di Raad, ordenansanan i tur otro rekesito ku ta nesesario pa nan. Ta importante pa hasi anotashon ku e prosesonan aki ta tópikonan ku a yega di papia informal entre e diferente miembronan di Konseho Insular. Trahamentu riba e diferente dokumentunan a tuma lugá den periodo di “reces”. Mayoria miembronan di Konseho Insular tabata ousente i no a partisipá aktivamente den formulashon di e diferente desishonnan di Raad i ordenasanan. Na tur ta 3 proposishon pa desishon di Raad i 4 ordenasa ku nan dokumento athunto.


Opheshon pa tratamentu di e tópikonan den un reunion pa toma di desishon:

  • E opheshon primario ta e kantidat di desishon di Raad i ordenasa ku a keda presentá den un solo momentu pa atendé pareu.

  • Kantidat di material pa lesa tabata hopi i komo miembro di Konseho Insular nos a risibí tur e dokumentonan na e mes momentu ku nan a bira públiko i henter mundu por a lesa nan. Esaki ta un akshon ku ta bai kompletamente en kontra di loke nos ta pidi pa trato na miembronan di Konseho Insular. Nos kier partisipashon real i na tempu den formulashon di maneho pa ku Entidat Públiko Boneiru.

  • Despues di a pasa den dokumentashon miembronan di Frakshon UPB a konkluí ku tin materia ku nos lo kier pidi asistensha di profeshonalnan den e materia. I ta un derecho ku kada miembro di Konseho Insular tin.

  • Pa koroná e obra tin ku menshoná ku no tabata trata di un reunion pa formashon di opinion kaminda tin espasio pa skucha, hasi pregunta, forma bo opinion, duna input, posibilidat pa hasi adaptashon ets. Tabata un reunion ku a keda atendé den un sup komishon di konseho Insular i bai derechito reunion pa tuma desishon.

  1. Konklushon: Na opinion di frakshon di UPB e diferente proposishonnan di Raad i ordenansanan no tabata sufisiente prepará pa atendé den un reunion pa toma di desishon. A lo mehor un reunion di forma opinion lo tabata na su lugá.

  2. Frakshon di UPB a sinti e nesesidat pa buska konseho adishonal riba e diferente dokumentonan pa por haña mihó bista den nan kontenido, posibel efekto i konsekuensia ku e proposishon i ordenansanan por tin.

Frakshon UPB ta konfirmá ku nan ta di akuerdo ku mester atendé formalmente ku e diferente proposihonnan enbista ku sigur nan lo hisa e kalidat di funshonamentu di Kolegio Insular, Kolegio Ehekutivo i e aparato gubernamental en general. Pa tal rason frakshon di UPB a opta pa buska konseho hurídiko promé ku prosedé.

BròKèS 93.5 ………… Skuch’é!

9 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page