top of page
ggzsjjg.png

Flavio Maestroni Ganadó den Kompetensia di Tiru

Djasabra 30 di mart 2024, Tirabon a tene un kompetensia di e deporte di tiru den kuadro di e segundo edishon di “Bonaire international sport week” organisá pa INDEBON.

Tabata promé kompetensia riba nivel IPSC ku Tirabon a organisá na Bonaire.

IPSC ta pará pa, “International Practical Shooting Confederation”.


IPSC ta un disiplina den e deporte di tiru ku ta kresiendo mundiálmente pa e forma ku esaki ta duna oportunidat úniko pa e tiradó por move di un punta pa otro riba kancha, tirando riba diferente tipo di targets.

Ku e promé stap aki ya a hasi palabrahsonnan pa por kompetí den eksterior i tambe organisá mas kompetensia di e disiplina IPSC na Bonaire.



E kompetensia tabata dirigí pa dos profeshonal for di nos hermana isla Kòrsou, kendenan ta Ray Maharaj i Clifton Hoyer. Promé ku e kompetensia a start, direktiva di Tirabon konhuntamente ku Ray i Clifton a hasi e “veiligheidsbrieding” obligatorio i a splika tur e reglanan ékstrikto di seguridat ku ta di sumo importansia ora ta atendé ku arma.

Un arma, bo ta trat’é sèmper komo si fuera e ta harmá i no ta algu pa hasi wega kuné.

Seguridat mester keda haltu den bandera i na tur momentu ora ta atendé ku arma.

Esaki tabata algun di e reglanan ku a wòrdu menshoná.



Seguidamente despues di registrashon, e kompetensia a start pa 13:00 or. E kaliber ku a skohe e bia aki tabata kaliber 9mm, pistol.

Partisipantenan tabata; Anthony Dobson, Peter Silberie, Ethuriel Nicolaas, Eric Soleana, Stephen Salas, Jadyr da Silva Piloto, Steven Senior, Quinlan de Lanoy, Sherman Blanken, Alexander Daal, Mariela Valentijn, Thuersten Winklaar, Flavio Maestroni, Jennifer Meyer, Remsley Anthony, Andrew Tweeboom, Martien van der Valk, Svenski Santaris



RESULTADO FINAL; Terser lugá Stephen Salas i segundo lugá Ethuriel Nicolaas.

Flavio Maestroni a sali e ganadó apsoluto ku un “hit factor” di 3.443, esaki husando e método “comstock”, kaminda ta dividí e kantidat di punto ku e lapso di tempu ku e tiradó dura pa e tira.



Despues di anunsio di e ganadónan, tur partisipante a risibí sertifikado di partisipashon.

Sigur tabata un dia plasentero kaminda ku por a mira kon partisipantenan a sosialisá un ku otro, i den un ambiente ameno a interkambiá un ku otro di idea.

Realmente tur presente a pasa un atardi inolvidabel na 'Kancha Arthur Enrique Mauricio'.

Sin por a keda afó delisioso ko’i kome i bebe 'liber di alkohòl' durante e dia kompletu.

Na final vise presidente di Tirabon, Peter Silberie felisitá Flavio i demas ganadó, i tambe a gradisí tur partisipante pa nan aporte, dedikashon, igual tur kolaboradó i spònser.



BròKèS 93.5 ………… Skuch’é!




233 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page